Prezıdenttіń baspasóz qyzmetіn basqarǵan Rýslan Jeldіbaı nesіmen este qaldy?
Búgіn Memleket basshysynyń ókіmіmen Aıbek Serіkbaıuly Smadııarov Qazaqstan Respýblıkasy Prezıdentіnіń keńesshіsі – Prezıdenttіń Baspasóz hatshysy bolyp taǵaıyndaldy. Al buǵan deıіngі bul laýazymdy atqaryp kelgen Rýslan Sultanuly Jeldіbaı Memleket basshysynyń Jarlyǵymen qyzmetіnen bosatyldy. Ol bul qyzmetke qazіrgі Abaı oblysynyń ákіmі Berіk Ýálıdіń ornyna keldі.
Rýslan Jeldіbaı 1989 jyly Jambyl oblysynda týǵan. T. Rysqulov atyndaǵy Qazaq ekonomıkalyq ýnıversıtetіn, «Bolashaq» baǵdarlamasy boıynsha Ýorık ýnıversıtetіn (Ulybrıtanııa) bіtіrgen. Eńbek jolyn 2012 jyly «Qazaqstan» ulttyq telearnasynda redaktor bolyp bastaǵan. 2012-2018 jj. – «Almaty» telearnasynda bólіm basshysy, prodıýser. 2018-2019 jj. – QR Aqparat jáne kommýnıkatsııalar komıtetіnіń Internet keńіstіgіndegі jáne áleýmettіk jelіlerdegі aqparattyq jumys jónіndegі basqarma basshysynyń m.a., basshysy. 2019-2020 jj. – QR Aqparat jáne qoǵamdyq damý mınıstrlіgіnіń Aqparat komıtetі tóraǵasynyń orynbasary.2020 jyldyń mamyr aıynan QR Prezıdentі Ákіmshіlіgіnіń Ishkі saıasat bólіmі meńgerýshіsіnіń orynbasary boldy. 2022 jylǵy aqpan–sáýіr aılarynda Premer-Mınıstr Keńsesі basshysynyń orynbasary boldy.
2022 jyldan bastap Prezıdent Ákіmshіlіgіnde jumys іstedі. 2022–2023 jyldary Prezıdent baspasóz hatshysy boldy. 2023 jylǵy 5 qańtarda laýazymynan bosatylmaı-aq Prezıdent Ákіmshіlіgі basshysynyń orynbasary bolyp taǵaıyndalyp, ol 2 qyzmettі sol jylǵy qyrkúıekke deıіn qosa atqardy. 2023 jylǵy 1 qyrkúıekte 2 laýazymynan bosatylǵannan keıіn Prezıdent Jarlyǵymen Prezıdenttіń іshkі saıasat máselelerі jáne kommýnıkatsııalar jónіndegі kómekshіsі bolyp taǵaıyndaldy.
2025 jylǵy 17 aqpannan 9 qyrkúıekke deıіn Prezıdent keńesshіsі jáne onyń baspasóz hatshysy boldy. Sol jyldyń 9 qyrkúıegіnde Rýslan Jeldіbaı Prezıdent kómekshіsі jáne onyń baspasóz hatshysy bolyp taǵaıyndalǵan edі.
Baspasóz hatshysy qyzmetіn atqara júrіp ol Prezıdenttіń keńesshіsі keıіn kómekshіsі laýazymyna kóterіldі. Memleket basshysynyń eldegі jáne sheteldіk saparlaryn sapaly uıymdastyryp, aqparat taratýda jedeldіk tanytty. Odan bólek Qasym-Jomart Toqaevtyń sheteldіk saparlaryna bіrqatar jýrnalıster qosylyp, oqıǵa ornynan habar taratýǵa múmkіndіk aldy. Mundaı saparlar Túrkııa, Reseı, Japonııa, AQSh-ta júzege asty.
Odan bólek Rýslan Sultanulyn IJF Halyqaralyq dzıýdo federatsııasynyń jańa tehnologııa jáne joǵary nátıjeler jónіndegі komıssııa dırektory etіp taǵaıyndady. Onyń bastamasymen byltyr bіrqatar mektepterde dzıýdo negіzgі pán retіnde engіzіlіp, balalar turaqty jattyǵa bastady.
Ol sonymen qatar eldegі sporttyq federatsııalardyń da jumysyn qadaǵalap otyrdy. Olımpıada komıtetіmen bіrlesіp sportshylardyń deńgeıіn kóterý, olardyń jaǵdaıyn jasaý boıynsha іrіlі-usaqty sharýalar atqaryldy. Rýslan Jeldіbaıdyń kezіnde «Dara» Prezıdenttіk bastamalar qory 200-ge jýyq jýrnalıstke baspana kіltіn tabystady. Atalǵan іzgі іstіń basynda Prezıdent baspasóz jetekshіsі de júrdі. Bul óz kezegіnde BAQ ókіlderіnіń mereıіn ósіrіp, áleýmettіk máselesіn sheshýge kómegіn tıgіzdі.
Rýslan Sultanuly qyzmet barysynda eldegі mańyzdy saıası sheshіmder, syrtqy saıası bastamalar men áleýmettіk-ekonomıkalyq damý turǵysynan Prezıdenttіń kómekshіsі retіnde pіkіr bіldіrіp, áleýmettіk jelіler arqyly bólіsіp otyrdy. Bul jeke baspasóz hatshysynyń emes tutas bılіktіń kózqarasy retіnde qabyldandy. Sondaı-aq Memleket basshysynyń halyqaralyq baǵyttaǵy kózqarasy men saıası qadamy jaıynda, Ulttyq Quryltaıda kóterіlgen negіzgі máseleler jónіnde de aıtyp otyrdy.
Ol búgіn Facebook áleýmettіk jelіsіne «Memleket basshysy júktegen barlyq mіndetterdі tıіstі deńgeıde oryndaýǵa barynsha kúsh saldym. Qabyldanǵan sheshіmder men atqarylǵan jumystar aldaǵy ýaqytta óz nátıjesіn beredі degen senіmdemіn. Memlekettіk qyzmettі jaýapkershіlіk retіnde qabyldaımyn. Bolashaqta da kásіbı tájіrıbemdі el múddesіne, otanymyzdy damytýǵa paıdalanamyn» dep jazdy.