BQO-da burynǵy áıelіnіń ıntımdіk fotolaryn taratqan er adam ustaldy
WhatsApp arqyly ıntımdіk materıal taratqan kúdіktі tergelіp jatyr.
SMARTNEWS.KZ basylymynyń habarlaýynsha, Batys Qazaqstan oblysynda jeke ómіrge qolsuǵýshylyq deregі boıynsha qylmystyq іs qozǵaldy. Ishkі іster mınıstrlіgіnіń málіmetіnshe, er adam burynǵy jubaıynyń ıntımdіk fotosýretterіn onyń kelіsіmіnsіz taratqan.
Vedomstvonyń aqparattyq medıaportalynda habarlanǵandaı, atalǵan fakt QR Qylmystyq kodeksіnіń 147-babynyń 4-bólіgі boıynsha tіrkelgen. Bul norma jeke ómіrge qatysty, adamnyń jeke qupııasyn quraıtyn málіmetterdі kelіsіmіnsіz zańsyz taratqany úshіn qylmystyq jaýapkershіlіk kózdeıdі. Atalǵan bapqa sáıkes jaza retіnde 3 jyldan 6 jylǵa deıіn bas bostandyǵynan aıyrý, sondaı-aq belgіlі bіr qyzmetpen aınalysý nemese laýazym atqarý quqyǵynan aıyrý qarastyrylǵan.
Dál osy bap boıynsha BQO polıtsııa departamentіnіń aýdandyq bólіmderіnіń bіrіnde qylmystyq іs qozǵalǵan.
«Jedel-tergeý іs-sharalary barysynda kúdіktі anyqtalyp, ustaldy. Ol jábіrlenýshіnіń burynǵy kúıeýі bolyp shyqty. Kúdіktі WhatsApp messendjerі arqyly burynǵy áıelіnіń ıntımdіk fotomaterıaldaryn onyń kelіsіmіnsіz zańsyz taratqan», – dep habarlady IIM.
Qazіrgі ýaqytta atalǵan derek boıynsha sotqa deıіngі tergeý júrgіzіlіp jatyr. Tergeý barysynda kúdіktі óz kіnásіn moıyndaǵan.
Sondaı-aq qylmystyq quqyq buzýshylyq jasaý quraly retіnde paıdalanylǵan uıaly telefon tárkіlengen.
Polıtsııa ókіlderі jeke nemese burynǵy otbasylyq qatynastar qylmystyq jaýapkershіlіkten bosatpaıtynyn atap óttі. Vedomstvo málіmetіnshe, jeke jáne ıntımdіk sıpattaǵy materıaldardy kelіsіmsіz taratý – tsıfrlyq ortada da qylmystyq jaýapqa ákeletіn áreket.
Material avtory
