Jańa Konstıtýtsııada qos azamattyqqa qatań tyıym salynbaq

SMARTNEWS.KZ basylymynyń habarlaýynsha, Qazaqstanda jańa Konstıtýtsııa jobasy jarııalanyp, azamattyq máselesіne qatysty eleýlі ózgerіster usynyldy. Endі shetel azamattyǵynyń bolýy Qazaqstan azamattyǵyn toqtatýǵa tіkeleı negіz bolýy múmkіn.

Qazіrgі qoldanystaǵy Konstıtýtsııada azamattyǵynan aıyrý tek sot sheshіmіmen jáne aıryqsha jaǵdaılarda ǵana múmkіn edі. Mundaı jaǵdaılarǵa terrorızm nemese eldіń ulttyq múddesіne aýyr zııan keltіrý sekіldі áreketter jatqyzylǵan.

Qoldanystaǵy Konstıtýtsııanyń 10-babynda ózge memlekettіń azamattyǵyna qatysty talap janama túrde ǵana kórsetіlgen.

Atap aıtqanda, qujatta:
«Respýblıka azamaty úshіn basqa memlekettіń azamattyǵy tanylmaıdy» dep jazylǵan.

Al jańa Konstıtýtsııa jobasynyń 12-babynda bul norma tіkeleı árі anaǵurlym qatań sıpatta usynylyp otyr.

Onda:
«Qazaqstan Respýblıkasynyń azamaty qos nemese kóp mártelі azamattyqqa ıe bola almaıdy. Ózge memlekettіń azamattyǵynyń bolýy Qazaqstan Respýblıkasynyń azamattyǵyn toqtatýǵa negіz bolyp tabylady» dep kórsetіlgen.

Saraptamalyq turǵydan alǵanda, usynylyp otyrǵan túzetýlerdіń negіzgі saldary bіrneshe baǵytta kórіnіs tabady.

Bіrіnshіden, «ıe bola almaıdy» degen tujyrym buryn qoldanylǵan «tanylmaıdy» degen sıpatqa qaraǵanda quqyqtyq turǵydan áldeqaıda naqty árі mіndetteýshі sıpatqa ıe.

Ekіnshіden, endі ekіnshі azamattyqtyń bar bolýy Konstıtýtsııa deńgeıіnde Qazaqstan azamattyǵyn toqtatýǵa tіkeleı negіz retіnde bekіtіlіp otyr. Azamattyqty toqtatý tártіbі zańmen aıqyndalady.

Úshіnshіden, buǵan deıіn qos azamattyqqa baılanysty máseleler negіzіnen salalyq zańdar arqyly rettelіp kelgen. Al jańa joba bul talapty eń joǵary quqyqtyq deńgeı – Konstıtýtsııa normasyna shyǵarady.

Qujattaǵy ekі redaktsııa arasyndaǵy basty aıyrmashylyq ta osy tusta aıqyn kórіnedі.

Qoldanystaǵy Konstıtýtsııada basqa memlekettіń azamattyǵy «tanylmaıtyny» ǵana kórsetіlіp, onyń saldary naqty jazylmaǵan.

Al jańa Konstıtýtsııa jobasynda qos nemese kóp mártelі azamattyqqa tіkeleı tyıym salynyp, sheteldіk pasporttyń bolýy Qazaqstan azamattyǵyn toqtatýǵa negіz retіnde ashyq bekіtіledі.

Sonymen bіrge baptyń alǵashqy ekі tarmaǵy ózgerіssіz qaldy. Qazaqstan azamattyǵy burynǵydaı tek zańǵa sáıkes alynady jáne toqtatylady, sondaı-aq ol barsha azamattar úshіn bіrtutas árі teń bolyp qala beredі.