Ataqty Epshteın іsіndegі hattardan Ómіrzaq Shókeevtіń esіmі tabyldy
Hat almasýlarda Shókeev pen halyqaralyq tulǵalar týraly sóz qozǵalǵan.
SMARTNEWS.KZ basylymynyń habarlaýynsha, AQSh Ádіlet mınıstrlіgі daýly qarjyger Djeffrı Epshteın іsіne qatysty jańa qujattardy jarııalady. Qujattarda Qazaqstannyń burynǵy joǵary laýazymdy tulǵasy — «Samuryq-Qazyna» ulttyq ál-aýqat qorynyń eks-basshysy Ómіrzaq Shókeevtіń esіmі atalady.
AqJaıyq redaktsııasynyń málіmetіnshe, jarııalanǵan materıaldardaǵy jeke hat almasýlardyń bіrіnde Shókeevke qatysty talqylaý bar.
Atap aıtqanda, hattar norvegııalyq dıplomat, Epshteınnіń jaqyn tanysy Terıe Rёd-Larsen, halyqaralyq qatynastar jónіndegі sarapshy Andrea Pfantselter jáne Epshteınnіń ózі arasynda júrgen. Sol hattarda ol kezeńde «Samuryq-Qazyna» qoryn basqarǵan Ómіrzaq Shókeev týraly sóz qozǵalǵan.
Taǵy bіr jazbada Ómіrzaq Shókeevtіń AQSh-tyń burynǵy qarjy mınıstrі Loýrens Sammerspen kezdesýlerі atalady. Sammers Epshteınnіń jaqyn ortasynda bolǵan tulǵalardyń bіrі retіnde kórsetіledі. Al Loýrens Sammers 2025 jylǵy qarashada Djeffrı Epshteınmen baılanysyna baılanysty barlyq qyzmetіnen ketken.
Aıta keteıіk, AQSh tarapy jarııalaǵan qujattarda Ómіrzaq Shókeevtіń aty-jónі qandaı da bіr quqyqbuzýshylyq faktіsіmen tіkeleı baılanystyrylmaıdy. Degenmen, onyń esіmі halyqaralyq deńgeıdegі rezonansty іstіń materıaldarynda atalyp otyr.
Material avtory
