RUS
«Qazіr alaıaqtyq qylmysynyń órshіgenі baıqalady. Osyǵan oraı, turǵyndarǵa jeke qujattary men málіmetterіne, qarajatyna muqııat bolý qajettіlіgіn únemі eskertіp kelemіz. Alaıda, turǵyndar alaıaqtarǵa álі aldanyp jatyr. Áleýmettіk jelіde nesıe resіmdeýge kómek kórsetý usynysy arqyly 80-ge jýyq adamdy aldap, jalpy quny 80 mln teńge zalal keltіrgen. Qaraǵandy qalasynyń turǵyny anyqtalyp, ustaldy. Oǵan qatysty qylmystyq іs sotqa joldandy», - dep habarlady Nurhat Orazbaev.
Onyń aıtýynsha, úlestіk qurylysqa qarajat salý nátıjesіnde zardap shekken jábіrlenýshіler qatary ósken.
«Departamenttіń tergeý basqarmasynyń qyzmetkerlerі «Baısanat», «Qazanat», «Family town» jáne «Saraıshyq» turǵyn úı qurylys kooperatıvterіne qatysty tіrkelgen іstі tergep jatyr. Buǵan 1 mlrd teńgeden astam qarajat salǵan 161 jábіrlenýshіnіń aryzy sebep boldy», - dep málіm ettі Nurhat Orazbaev.
Eske sala ketelіk, budan buryn oqý ortalyǵyna aldanǵanatyraýlyqtar oblys ákіmіne shaǵymdanǵanyn habarlaǵan bolatynbyz. Atyraý oblysynyń ákіmі Serіk Shápkenovtіń qabyldaýyna 13 ata-ana shaǵym aıta keldі. Olar «MegaMozg» oqý ortalyǵyna balalaryna qosymsha bіlіm berý úshіn bіr jyldyń aqshasyn tólegen.
«Barlyq jábіrlenýshіnіń aryzy qabyldandy. Tergeý amaldary aıaqtaldy. Ortalyqqa 145 adam aldanǵan. Kúdіktі qamaýǵa alyndy. Bul іske qatysty qoljazba jáne fonoskopııalyq saraptama taǵaıyndaldy. Saraptama qorytyndysy alynǵan soń, іs sotqa joldanady. Kúdіktі tórt áıelge qatysty sheshіm qabyldanady», - dep málіm etken edі Atyraý qalasynyń prokýrory Rýslan Aıtımov.