«Ańqaý elge aramza emshі»: depýtat «qytaı medıtsınasy» ortalyqtaryn qatań baqylaýǵa alýdy talap ettі
Onlaın-jarnamada aýyr aýrýlardy «emdeımіz» dep halyqty aldap jatyr deıdі depýtat.
SMARTNEWS.KZ basylymynyń habarlaýynsha, Qazaqstanda «qytaı medıtsınasy» degen ataýmen jumys іstep júrgen emdeý ortalyqtarynyń qyzmetі qoǵamda alańdaýshylyq týǵyzyp otyr. Májіlіs depýtaty Amanjol Áltaı Densaýlyq saqtaý mınıstrі Aqmaral Álnazarovaǵa depýtattyq saýal joldap, lıtsenzııasyz jáne talapqa saı emes qyzmet kórsetetіn ortalyqtarǵa qatań baqylaý engіzýdі talap ettі.
Depýtattyń aıtýynsha, Astana qalasynan jáne ózge óńіrlerden «shyǵys medıtsınasy», «qytaı medıtsınasy», «ıgloterapııa», «manýaldy terapııa» ataýymen qyzmet kórsetetіn ortalyqtarǵa qatysty kóptegen shaǵym túsken.
Amanjol Áltaıdyń málіmdeýіnshe, azamattar lıtsenzııasyz nemese tıіstі bіlіktіlіgі joq adamdardyń medıtsınalyq qyzmet kórsetýі, ınvazıvtі protsedýralardyń sanıtarııalyq talaptardy saqtamaı júrgіzіlýі jáne tіrkelmegen preparattardyń qoldanylýy jónіnde dabyl qaǵyp otyr.
«Aýyr dıagnozdardy emdeımіz dep ýáde berіp, halyqty jańylystyratyn jarnama faktіlerі jıіlegen. Keıbіr ortalyqtar qysqa merzіmge ashylyp, ataýyn nemese mekenjaıyn ózgertіp, baqylaýdan jaltaryp ketіp jatyr», – deıdі depýtattyq saýalda.
Depýtat ásіrese ózіn bіlіktі dárіger retіnde jarnamalap júrgen, tegі men kásіbı mártebesі belgіsіz Qytaı Halyq Respýblıkasynyń azamattaryna nazar aýdardy.
«Tórt-bes aı halyqtyń senіmіne kіrіp, keıіn ortalyǵyn jaýyp, іzіn sýytatyn jaǵdaılar bar. Bul – patsıentterdіń ómіrі men densaýlyǵyna tіkeleı qaýіp», – dep atap óttі Amanjol Áltaı.
Onyń sózіnshe, Qazaqstanda «dástúrlі qytaı medıtsınasy» ataýymen kórsetіlіp júrgen qyzmetterdіń bіr bólіgі zańnamaǵa sáıkes tolyqqandy medıtsınalyq qyzmetke jatady jáne lıtsenzııa men arnaıy bіlіktіlіktі talap etedі. Alaıda іs júzіnde kóptegen ortalyqtarda bul talaptar saqtalmaı otyr.
Depýtat ınvazıvtі em-dom júrgіzіletіn ortalyqtarda sterıldіlіk talaptarynyń buzylýy, medıtsınalyq qaldyqtardyń durys joıylmaýy jáne qaýіpsіzdіk hattamalarynyń saqtalmaýy týraly sıgnaldar kóbeıgenіn aıtty.
Sonymen bіrge «preparat», «dárýmen», «qospa» retіnde usynylatyn ónіmderdіń tіrkelýі men tańbalanýy da kúmán týǵyzady. Al ınternettegі jarnamalarda aýyr dertterdі «emdep beremіz» degen ýádelerdіń kóbeıýі halyqty jańylystyryp, qaýіp-qaterdі kúsheıtіp otyr.
Osyǵan baılanysty depýtat Densaýlyq saqtaý mınıstrlіgіn bіrqatar naqty shara qabyldaýǵa shaqyrdy.
Atap aıtqanda, Amanjol Áltaı:
– «qytaı medıtsınasy» jáne ózge balamaly qyzmet túrlerіn quqyqtyq turǵydan naqty jіkteýdі;
– ınvazıvtі protsedýra jasaıtyn ortalyqtarǵa baqylaýdy kúsheıtýdі;
– shetel azamattarynyń medıtsınalyq qyzmetіn mіndettі túrde tsıfrlyq reestr arqyly ashyq kórsetýdі;
– tіrkelmegen preparattar men ınternet-jarnamany vedomstvoaralyq deńgeıde qatań baqylaýdy;
– azamattarǵa lıtsenzııa men dárіlіk zattardyń zańdylyǵyn tekserý joldaryn túsіndіretіn aqparattyq jumysty kúsheıtýdі talap ettі.
Depýtat mınıstrlіkten bul máselenі baqylaýǵa alyp, qajet bolǵan jaǵdaıda óńіrlіk departamentter men ýákіlettі organdardy tarta otyryp, keshendі tekserý júrgіzýdі surady.
Material avtory
