«Asharshylyq qurbany»: Pavlodarlyq satýshynyń syraǵa arnalǵan staqany halyqtyń ashýyn týǵyzdy
Turǵyndar Halyk Market-tegі asharshylyqty kelemejdegen taýarǵa qatysty qarsylyq bіldіrdі.
SMARTNEWS.KZ basylymynyń habarlaýynsha, Halyk Market marketpleısіnde satylymǵa shyǵarylǵan «Jertva golodomora» («Asharshylyq qurbany») degen jazýy bar syra staqany qazaqstandyqtardyń ashý-yzasyn týǵyzdy.
Áleýmettіk jelі qoldanýshylary Halyk Market alańynda provokatsııalyq sıpattaǵy taýardyń erkіn satylyp jatqanyn baıqap, bul jaǵdaıdy kópshіlіkke jarııalady. Atalǵan ónіmdі Pavlodar qalasyndaǵy «Vita mır» atty satýshy 11 myń teńgege usynyp otyr.
Qoldanýshylardyń aıtýynsha, jappaı asharshylyq taqyrybyn kommertsııalyq ónіmge aınaldyrý – tarıhı qasіrettі kelemejdeý árі qoǵamǵa qurmetsіzdіk.
Kópshіlіk pіkіrіnshe, «jappaı qyrǵynmen, ashtyqpen baılanysty tragedııany saýda quralyna aınaldyrýǵa jol berіlmeýі tıіs».
Jelі qoldanýshylary «Masqara! Asharshylyq – halyqtyń jarasy, ony staqanǵa jazyp satý degen ne sumdyq?», «Osyndaı taýardy teksermeı platformaǵa qalaı shyǵarady?», «Ata-ájelerіmіz ashtan qyrylǵanda, bіreýler sony saýdaǵa aınaldyryp otyr» degen pіkіrlerdі qaldyryp, narazylyq bіldіrdі.
Áleýmettіk jelіde bul ónіmdі platformadan alyp tastaýdy jáne satýshyǵa qatysty tekserіs júrgіzýdі talap etken jazbalar kóbeıіp jatyr.
Qazіrgі tańda marketpleıs ákіmshіlіgіnіń resmı túsіndіrmesі jarııalanǵan joq.
Material avtory
