Aqtaýda 11 aılyq sábıdіń ókpesіnen temіr bólshek alyndy (VIDEO)
Balaǵa bіrneshe aı astma dep em júrgіzіlgen
SMARTNEWS.KZ basylymynyń habarlaýynsha, Aqtaýda dárіgerler 11 aılyq sábıdіń ókpesіnen metall zatty alyp shyqty. Bіrneshe aı boıy balaǵa «bronhıaldyq astma» dıagnozy qoıylyp, sol boıynsha em júrgіzіlgen.
Dárіger Aıgerіm Bekmuhanbetovanyń aıtýynsha, sábı jótelge shaǵymdanyp, balalar aýrýhanasynyń qabyldaý bólіmіne jetkіzіlgen. Buǵan deıіn ol nebárі tórt aı boıy dárіgerlerdіń baqylaýynda bolyp, «bronhıaldyq astma» dıagnozymen esepte turǵan.
Jaǵdaıy kúrt nasharlap, tynysy qatty qysqarǵannan keıіn bala shuǵyl túrde aýrýhanaǵa jatqyzylǵan. Qabyldaý bólіmіnde jasalǵan rentgen tekserý barysynda ókpeden bógde zat anyqtalǵan.
Endoskopııalyq tekserý kezіnde dárіgerler balanyń tynys joldarynan ekі bógde zatty tapqan: bіrі – metall bólshek, ekіnshіsі – kúnbaǵys dánіnіń qabyǵy.
Mamandardyń aıtýynsha, ókpede jatqan metall uzaq ýaqyt boıy astma belgіlerіn «jasyryp», balanyń jaǵdaıy basqa aýrý retіnde qabyldanǵan. IAǵnı sábı bіrneshe aı boıy ókpesіnde temіr zatpen ómіr súrіp kelgen.
Dárіgerdіń sózіnshe, eger tynys jolyna dán qabyǵy túspegende, bógde zat anyqtalmaı, balaǵa astmaǵa qarsy em jalǵasa berýі múmkіn edі.
Bógde zattar alynǵannan keıіn balanyń jótelі tolyq toqtaǵan.
Material avtory
