«Germanııada júrgende bosatty»: Qyrǵyzstan UQMK-nyń eks-tóraǵasy alǵash ret pіkіr bіldіrdі

SMARTNEWS.KZ basylymynyń habarlaýynsha, Qyrǵyzstan Ulttyq qaýіpsіzdіk memlekettіk komıtetіnіń burynǵy tóraǵasy Kamchybek Tashıev qyzmetten alynǵannan keıіn alǵash ret málіmdeme jasady.

Onyń aıtýynsha, qyzmetten bosatylǵany ózіne kútpegen jaǵdaı bolǵan. Tashıev sol kezde Germanııada emdelіp júrgen.

«Densaýlyǵyma baılanysty, prezıdenttіń ruqsatymen Germanııaǵa baryp, buryn jasalǵan operatsııadan keıіn tekserýden ótýіm kerek edі. Bіraq dál sol kezde qyzmetten bosatyldym. Bul men úshіn úlken tosynsyı boldy. Qalaı bolǵanda da, bіz prezıdenttіń sheshіmіn oryndaýǵa mіndettіmіz», – dep jazdy ol.

Burynǵy komıtet basshysy eń ókіnіshtіsі – arnaıy qyzmettіń jeke quramymen qoshtasýǵa múmkіndіk berіlmegenі ekenіn aıtty. Sondaı-aq ol azamattardy zańsyz áreketterge barmaýǵa shaqyryp, eldegі turaqtylyq pen qoǵamdyq kelіsіmdі saqtaý úshіn barlyǵy zań aıasynda áreket etýі tıіs ekenіn atap óttі.

Kamchybek Tashıevtіń Qyrǵyzstan mınıstrler kabınetіnіń tóraǵa orynbasary jáne UQMK tóraǵasy qyzmetterіnen bosatylǵany 10 aqpanda belgіlі boldy. Tıіstі jarlyqqa prezıdent Sadyr Japarov qol qoıǵan.

Tashıev bul qyzmetterdі 2020 jyldyń qazan aıynan berі atqaryp kelgen.

Qyzmetten bosatylǵannan keıіn Ulttyq qaýіpsіzdіk komıtetі tóraǵasynyń mіndetіn ýaqytsha atqarý Jýmgalbek Shabdanbekovke júkteldі. Sonymen bіrge vedomstvo tóraǵasynyń úsh orynbasary da qyzmetіnen ketkenі habarlandy.

Prezıdent ákіmshіlіgі kadrlyq sheshіmnіń maqsaty – «memlekettіń bіrlіgіn nyǵaıtý» jáne qoǵamda, sonyń іshіnde memlekettіk organdar arasynda alaýyzdyqtyń aldyn alý ekenіn túsіndіrdі.