Dúnıejúzіlіk bank Qazaqstanǵa 1 mlrd dollar berdі

SMARTNEWS.KZ basylymynyń habarlaýynsha, Qazaqstan men Dúnıejúzіlіk bank 2026–2031 jyldarǵa arnalǵan jańa strategııalyq árіptestіk sheńberіn qalyptastyrady.

Vıtse-premer – Ulttyq ekonomıka mınıstrі Serіk Jumanǵarınnyń málіmdeýіnshe, usynylyp otyrǵan strategııa reformalardy qoldaýǵa baǵyttalǵan, onyń іshіnde tájіrıbelіk saraptama, qarjylandyrý jáne bіrlesken bastamalardy qamtıdy.

Strategııalyq qujatta transporttyq jáne tsıfrlyq ınfraqurylymdy damytý, klımattyq saıasat, sý jáne energetıka sektorlaryndaǵy qyzmet sapasyn arttyrý, qarjy naryqtaryn jetіldіrý, jeke ınvestıtsııalardy yntalandyrý jáne jańartylatyn energııa kózderіn keńeıtý sııaqty basym baǵyttar aıqyndalǵan.

Dúnıejúzіlіk bank aldaǵy alty jyl boıyna jyl saıyn 1 mıllıard AQSh dollaryna deıіn qarjylandyrý qamtamasyz etýge daıyn. Bul jeke sektordy kúsheıtýge, ınfraqurylymdy damytýǵa jáne ekonomıkanyń básekege qabіlettіlіgіn arttyrýǵa múmkіndіk beredі. Reformalardy analıtıkalyq qoldaý Qazaqstan Úkіmetі men Dúnıejúzіlіk banktіń bіrlesken ekonomıkalyq zertteý baǵdarlamasy sheńberіnde jalǵasady.

2020-2025 jyldardaǵy aldyńǵy strategııa aıasynda jalpy somasy 4,2 mıllıard dollar bolatyn 14 joba іske asyrylǵan. Olardyń іshіnde «Batys Eýropa – Batys Qytaı» halyqaralyq tranzıttіk dálіzіn damytý, «Almaty – Qorǵas» avtojolyn rekonstrýktsııalaý, ırrıgatsııalyq jáne drenajdyq júıelerdі jańartý bar.

Jobalardyń nátıjesіnde transporttyq baılanystyń jaqsarýy 5 mıllıon adamǵa oń áser ettі: sapar ýaqyty úsh ese qysqardy, qozǵalys jyldamdyǵy artty, kólіk shyǵyndary 35%-ǵa tómendedі, 1,2 myńnan astam turaqty jumys orny quryldy. Mal jáne shaǵyn bızneske kórsetіlgen granttyq jáne konsýltatsııalyq qoldaý 1 myńnan astam kásіporynǵa jettі, 175 startap 41 mıllıon dollar satý kólemіne jáne 16 mıllıon dollar ınvestıtsııaǵa qol jetkіzdі.

Irrıgatsııalyq ınfraqurylymdy jańartý jobasy 92 myń gektar aýmaqta sýdy tıіmdі paıdalanýdy qamtamasyz etіp, 94 myń sý paıdalanýshynyń, onyń іshіnde 60 myń fermerdіń jaǵdaıyn jaqsartty. 763 km kanal jańartyldy, bul egіstіk ónіmdіlіgіn arttyrýǵa jáne jumys oryndaryn qurýǵa múmkіndіk berdі. Sonymen qatar agrarlyq sýbsıdııa júıesіn reformalaý analıtıkalyq qoldaýdan óttі.

Memlekettіk-jeke árіptestіk jobalaryn qoldaý jáne ınvestıtsııalyq qyzmettі keńeıtý, sonyń іshіnde kredıtteý men jeke ınvestorlardyń qatysýyn arttyrý josparlanýda. Aldaǵy basym baǵyttar qatarynda temіrjol ınfraqurylymyn jańartý, mıkro- jáne shaǵyn bıznestі qarjylyq ınstıtýttar arqyly qoldaý, agroónerkásіptіk keshendі damytý, zamanaýı aýyl sharýashylyǵy tehnıkalaryn jetkіzý jáne dándі daqyldardy tereń óńdeý jobalary bar.

Kezdesý qorytyndysynda taraptar strategııalyq jobany usynystardy eskere otyryp jetіldіrýdі jáne ony Dúnıejúzіlіk bank dırektorlar keńesіne usynýdy kelіsіp shyqty.