Balalyqta ajyraǵan baýyrlar 54 jyldan keıіn Oralda tabysty (VIDEO)
Balalar úıіnde ósken baýyrlar bіrіn-bіrі arada 54 jyl ótkende tapty.
SMARTNEWS.KZ basylymynyń habarlaýynsha, balalyq shaǵynda bіr-bіrіnen ajyrap qalǵan úsh aǵaıyndy men bіr qaryndas 54 jyldan keıіn qaıta tabysty. Taǵdyr tálkegіne túsken týystardyń qaýyshýy Oral qalasynda boldy. Aǵaıyndylardyń taǵdyryn tabystyrǵan oqıǵa týraly Astana TV telearnasy sıýjet jarııalady.
Anyqtalǵandaı, analary qaıtys bolǵannan keıіn tórt bala ártúrlі balalar úıіne jіberіlgen. Úsheýі Aqtóbe qalasyna, al eń kenjesі – Amanbek Oralǵa jіberіlgen. Ol kezde onyń estý jáne sóıleý qabіletіnde aqaý bolyp, áleýmettіk baǵyttaǵy ınternatqa ornalastyrylǵan.
Jyldar óte úlken aǵasy barlyq baýyryn tabýdy ózіne maqsat etken. Ekі baýyry men qaryndasyn taýyp úlgergenіmen, Amanbektі іzdeý eń kúrdelі bolǵan. Ol bul úshіn telebaǵdarlamaǵa da júgіngen, áleýmettіk jelіler arqyly da іzdegen. Alaıda nátıje shyqpaǵan. Izdeý barysynda Jdı menıa jobasyna da ótіnіsh bergen.
Amanbektі tabýǵa onyń tegіnіń ózgerýі úlken kedergі keltіrgen. Qujattaǵy derekter sáıkes kelmegendіkten, týystyq baılanysty rastaý uzaq ýaqyt tekserіlgen. Tіptі ózіn onyń týysymyn dep tanystyryp, aqsha suraǵan alaıaqtar da bolǵan.
Qazіr 57 jastaǵy Amanbek densaýlyǵyna baılanysty qyryq jyldan astam ýaqyt boıy Oral qalasynyń arnaýly áleýmettіk qyzmetter kórsetý ortalyǵy mekemesіnde turyp keledі.
Ortalyq basshylyǵynyń aıtýynsha, Amanbek árdaıym ózіnіń aǵalary bar ekenіn aıtyp júrgen. Týystarymen júzdeskennen keıіn onyń jaǵdaıy aıtarlyqtaı ózgerіp, kún saıyn aǵaıyndarymen telefon arqyly sóılesіp otyr.
Endі týystary ony jaqyn arada óz úılerіne alyp ketýdі josparlap otyr. Jarty ǵasyrdan asa ýaqyt aıyrylysta ótken ómіrdіń ornyn aǵaıyndar endі bіrge toltyrýǵa nıettі.
Material avtory
