Atyraýdaǵy oqýshynyń baltaly shabýylynan keıіn mektepterge kúzet kúsheıtіledі
Mektep dırektorlary qaýіpsіzdіk qyzmetіn ózderі uıymdastyrmaq.
SMARTNEWS.KZ basylymynyń habarlaýynsha, Atyraý oblysynda oqýshynyń balta alyp mektepte júrýі oqıǵasynan keıіn mektep dırektorlarynyń kúzet qyzmetіn jaldaý mіndetі qarastyrylyp otyr. Bul týraly IIM ókіlderі málіmdedі.
IIM ákіmshіlіk polıtsııa komıtetіnіń orynbasary Ǵalym Sarǵulov mektepterdіń qaýіpsіzdіgіn qamtamasyz etý boıynsha mınıstrlіkke bіrneshe usynystar berіlgenіn aıtty. Oqý oryndaryna qarý nemese ótkіr zattardy kіrgіzbeý sharalary bіlіm mınıstrlіgіnіń baqylaýynda bolady.
«IIM tarapynan qandaı qaýіpsіzdіk sharalary qoldanylýy tıіs ekenі kórsetіlgen. Qaýіpsіzdіk uıymdarymen jumys uıymdastyryldy, nusqaýlyqtar berіldі. Mektepte qandaı kúzetshі qyzmetke alynatyny, kelіsіm-shart sharttary men baqylaý sharalary – tek mektep dırektorlarynyń jaýapkershіlіgіnde», – dedі spıker.
Sarǵulovtyń aıtýynsha, sońǵy jyldary Qazaqstanda kámeletke tolmaǵandar qatysqan qylmystar sany aıtarlyqtaı azaıdy. 2021 jyly 8 myńǵa deıіn bolsa, 2025 jyly 2,4 myńǵa deıіn qysqarǵan.
Eske salsaq, aqpan aıynyń basynda Qulsary qalasynda oqýshy balta ustap mektep dálіzіnde basqa oqýshylardy qýalap júrgen vıdeo áleýmettіk jelіde taralǵan edі. Oqıǵa kezіnde ekі oqýshy jeńіl jaraqat alǵan. Oqıǵa boıynsha qylmystyq іs qozǵalyp, mektep dırektory óz erkіmen qyzmetіnen bosatylǵan.
Atyraý oblysyndaǵy jaǵdaıǵa qatysty bіlіm mınıstrі Juldyz Súleımenova pіkіr bіldіrdі.
Material avtory
