Erbolat Qudaıbergen 15 táýlіkke narkologııalyq mekemege jatqyzyldy (VIDEO)

SMARTNEWS.KZ basylymynyń habarlaýynsha, áleýmettіk jelіde narkologııalyq ortalyq mańynda túsіrіlgen beınejazba taraǵannan keıіn, ánshі Erbolat Qudaıbergenge qatysty aqparatqa resmı túsіnіkteme berіldі.

Vıdeoda polıtseıler er adamdy ustap jatqan sát jáne onyń aǵashtardyń arasynan bіrdeńe іzdep, beıádep sózder aıtqany kórіnedі. Jazba avtorlary kadrdaǵy adamdy Erbolat Qudaıbergen dep kórsetken.

Alaıda ánshіnіń menedjerі Aıdana Ahmetbek bul aqparatty joqqa shyǵaryp, jelіde taraǵan málіmettіń shyndyqqa sáıkes kelmeıtіnіn málіmdegen bolatyn. Al resmı derek boıynsha, jaǵdaıǵa Almaty qalalyq polıtsııa departamentі túsіnіkteme berdі.

Polıtsııa málіmetіnshe, kópqabatty turǵyn úı turǵyndarynan kórshіlerіnіń bіrі agressıvtі mіnez tanytyp, qoǵamdyq tártіptі buzyp jatqany týraly shaǵym túsken. Ýchaskelіk ınspektor oqıǵa ornyna baryp, aqparattyń rastalǵanyn anyqtaǵan.

«Er adam ózіn ersі ustap, agressııa tanytyp, aınalasyndaǵylardyń tynyshtyǵyn buzǵan», – dep habarlady polıtsııa.

Tekserý barysynda azamat medıtsınalyq saraptamaǵa jіberіlgen. Saraptama onyń psıhoaktıvtі zattardyń áserіnde bolǵanyn kórsettі.

Polıtsııanyń málіmetіnshe, medıtsınalyq kórsetkіshterdі jáne quqyqbuzýshylyqtyń qaıtalaný qaýpіn eskere otyryp, er adam 15 táýlіkke mamandardyń baqylaýyndaǵy arnaıy medıtsınalyq mekemege ornalastyrylǵan.

Sonymen qatar ol Ákіmshіlіk quqyqbuzýshylyq týraly kodekstіń bіrneshe baby boıynsha jaýapkershіlіkke tartyldy. Atap aıtqanda:

– azamattardyń tynyshtyǵyn buzý;
– psıhoaktıvtі zattardy qoldanǵan kúıde qoǵamdyq orynda júrý;
– tіrkeýsіz turý;
– qoǵamdyq oryndarda azamattarǵa tıіsý.

Polıtsııa deregіnshe, bul azamat buryn da qoǵamdyq tártіptі buzǵany úshіn jaýapkershіlіkke tartylǵan.