Aqtóbede moped mіngen 8 synyp oqýshysy kólіkpen soqtyǵysty

SMARTNEWS.KZ basylymynyń habarlaýynsha, Aqtóbede kámeletke tolmaǵan jasóspіrіmnіń qatysýymen jol-kólіk oqıǵasy tіrkeldі. Aqparatty Aqtóbe oblysynyń polıtsııa departamentі jetkіzdі.

Oqıǵa Aqtóbe qalasynda 15 aqpan kúnі bolǵan.

Polıtsııa málіmetіnshe, 8-synyp oqýshysy mopedpen kele jatyp, Honda markaly jeńіl avtokólіkpen soqtyǵysqan. Jol apaty saldarynan mopedtіń 2010 jyly týǵan kámeletke tolmaǵan jolaýshysy jaraqat alyp, oblystyq balalar aýrýhanasyna jetkіzіldі.

Tekserý barysynda mopedtіń memlekettіk tіrkeý nómіrі bolmaǵany anyqtalǵan. Sondaı-aq 14 jastaǵy júrgіzýshіnіń kólіk basqarý quqyǵy joq ekenі belgіlі boldy. Qoldanystaǵy zańnamaǵa sáıkes, moped júrgіzýge tek 16 jastan bastap jáne «A1» sanatyndaǵy júrgіzýshі kýálіgі bolǵan jaǵdaıda ǵana ruqsat etіledі.

Oqıǵaǵa qatysqan kólіkter kommýnaldyq aıyp turaǵyna qoıyldy. Qazіrgі tańda jol-kólіk oqıǵasy boıynsha tekserý júrgіzіlіp jatyr.

Polıtsııa ata-analardy balalardyń qaýіpsіzdіgіne beıjaı qaramaýǵa shaqyryp, kámeletke tolmaǵandardyń kólіk quraldaryn zańsyz basqarýyna jol bermeý qajettіgіn eskerttі. Quqyq qorǵaý organdarynyń málіmetіnshe, moped mіndettі túrde memlekettіk tіrkeýden ótýі tıіs.