Bıýdjetten 350 mln teńge urlaǵan kúdіktі Qyrǵyzstannan elge jetkіzіldі
Qylmys jalǵan shot-faktýralar arqyly jasalǵan bolýy múmkіn.
SMARTNEWS.KZ basylymynyń habarlaýynsha, Qazaqstan Respýblıkasynyń Bas prokýratýrasy Qyrǵyz Respýblıkasynyń aýmaǵynan Qazaqstan azamaty ekstradıtsııalanǵanyn habarlady. Ol bıýdjetke іrі kólemde zııan keltіrgen aýyr ekonomıkalyq qylmysqa kúdіktі.
Tergeý nusqasyna sáıkes, kúdіktі 2023 jyly múlіktіk paıda tabý maqsatynda naqty oryndalmaǵan jumystar boıynsha jalǵan shot-faktýralar rásіmdeý shemasyn uıymdastyrǵan. Sonyń saldarynan memleketke tólenbeı qalǵan salyq túrіndegі shyǵyn kólemі shamamen 350 mln teńgenі quraǵan.
Qylmys jasalǵannan keıіn ol boı tasalap, halyqaralyq іzdeýge jarııalanǵan.
Kúdіktі 2025 jyldyń naýryz aıynda Bіshkek qalasynda ustalǵan. Keıіn Qazaqstan Bas prokýratýrasynyń suraýy boıynsha Qyrǵyz Respýblıkasy aýmaǵynan elge ekstradıtsııalandy.
Qazіr ol tergeý ızolıatoryna qamaldy.
Bas prokýratýranyń málіmetіnshe, atalǵan qylmys úshіn múlkіn tárkіleı otyryp, 7 jylǵa deıіn bas bostandyǵynan aıyrý jazasy kózdelgen.
Material avtory
