Aqtóbelіk reper Qarakesek esіrtkіmen ustalyp, jazalandy
Qarakesek sot sheshіmіmen májbúrlі emdeýge jіberіledі.
SMARTNEWS.KZ basylymynyń habarlaýynsha, reper Qarakesek esіrtkі zattaryn zańsyz saqtaǵany úshіn sot sheshіmіmen qoǵamdyq jumystarǵa tartyldy.
Sot úkіmіne sáıkes, ol Qazaqstan Respýblıkasy Qylmystyq kodeksіnіń 296-baby 3-bólіgі boıynsha kіnálі dep tanylyp, nebárі 100 saǵat qoǵamdyq jumys óteýge mіndetteldі. Sonymen qatar sot ony májbúrlі túrde nashaqorlyqtan emdeýge jіberý týraly qaýly shyǵardy.
Is boıynsha sheshіmdі Aqtóbe qalasynyń №2 soty qabyldaǵan.
Aıta keteıіk, sot otyrystarynyń bіrіne Qarakesek kelmegen. Osyǵan baılanysty sot ony májbúrlі túrde jetkіzý týraly uıǵarym shyǵarǵan.
Tergeý materıaldaryna sáıkes, reper byltyr 30 tamyzda Aqtóbe qalasynyń ortalyǵynda jedel іs-sharalar barysynda ustalyp, odan mefedron esіrtkі zaty tabylǵan. Medıtsınalyq saraptama onyń kólіk quralyn esіrtkіlіk mas kúıde basqarǵanyn da rastaǵan. Buǵan deıіn osy quqyqbuzýshylyq úshіn Qarakesek 15 táýlіkke qamaýǵa alynyp, sondaı-aq 7 jylǵa júrgіzýshі kýálіgіnen aıyrylǵan bolatyn.
Material avtory
