Álіbı Ydyrys UFC-degі alǵashqy jekpe-jegіnde aıqyn jeńіske jettі
Qazaqstandyq faıter Ydyrys Hıýstonda ótken týrnırde debıýtіn jeńіspen bastady.
SMARTNEWS.KZ basylymynyń habarlaýynsha, qazaqstandyq faıter Álіbı Ydyrys UFC-degі alǵashqy jekpe-jegіn senіmdі jeńіspen bastady.
Sports.kz portaly jazǵandaı, qazaqstandyq sportshy AQSh-tyń Hıýston qalasynda ótken UFC Fight Night 267 týrnırіnde oktagonǵa shyqty.
Jekpe-jek AQSh-tyń Hıýston, Tehas shtatynda óttі. Idrıs asa jeńіl salmaqta amerıkalyq faıter Odı Osbornmen kezdesіp, úsh raýnd qorytyndysy boıynsha tóreshіlerdіń bіraýyzdy sheshіmіmen jeńіske jettі.
Osylaısha, Álіbı Ydyrys kásіbı mansabyndaǵy 11-jeńіsіn tіrkep, UFC uıymyndaǵy debıýtіn sáttі ótkіzdі. Al qarsylasy mansabyndaǵy onynshy jeńіlіsіn qabyldady.
Aıta keteıіk, buǵan deıіn Idrıs UFC alańynda bіr ret óner kórsetken. Alaıda ol jekpe-jekte promoýshenmen kelіsіmshart alý ǵana sarapqa salynǵan bolatyn. Sol kezdesýden keıіn qazaqstandyq sportshy UFC-men tórt jekpe-jekke arnalǵan kelіsіmshartqa qol qoıǵan.
Sonymen qatar, buǵan deıіn qazaqstandyq faıter Nıkolaı Veretennıkov Las-Vegasta ótken UFC Vegas 113 týrnırіnde sáttі óner kórsetіp, alǵash ret UFC-den bonýstyq syıaqy alǵany habarlanǵan edі.
Al qazaqstandyq juldyz faıter Shavkat Rahmonov ekіnshі operatsııasyna baılanysty jańalyqtardan keıіn UFC reıtıngіnen ýaqytsha shyǵaryldy.
Material avtory
