Atyraýlyq áıel Aqtaý áýejaıyna kastet alyp ótpek bolǵan
Kastetpen ustalǵan jolaýshyǵa sot aıyppul saldy.
SMARTNEWS.KZ basylymynyń habarlaýynsha, qańtar aıynda Aqtaý áýejaıynda qaýіpsіzdіk tekserіsіnen ótý kezіnde áıel adamnyń sómkesіnen kastet tabyldy. Tergeý materıaldaryna sáıkes, tyıym salynǵan zatty alyp ótpek bolǵan azamatsha Atyraý qalasynyń 41 jastaǵy turǵyny.
Oqıǵa Aqtaý halyqaralyq áýejaıy ǵımaratyna kіreberіste bolǵan. Rentgen-skaner qara tústі áıelder sómkesіnіń іshіnen kastettі kórsetken. Polıtsııa qyzmetkerlerі ony dereý tárkіlegen.
Aqparatqa sáıkes, kastet soqqy-taıaqsha sıpatyndaǵy sýyq qarý retіnde saralanǵan. Atalǵan derek boıynsha áıelge qatysty qarýdy zańsyz saqtaý jáne alyp júrý faktіsіmen qylmystyq terіs qylyq týraly hattama toltyrylǵan.
Is Aqtaý qalalyq sotynda qaraldy. Sot otyrysynda aıyptalýshy kіnásіn tolyq moıyndaǵan. Bul jaǵdaı jazany jeńіldetetіn mán-jaı retіnde eskerіldі. Aýyrlatatyn mán-jaılar anyqtalǵan joq.
Sot sheshіmіmen áıelge 20 aılyq eseptіk kórsetkіsh mólsherіnde aıyppul taǵaıyndaldy. Bul — 86 500 teńge. Sonymen qatar, odan Jábіrlenýshіlerge ótemaqy qoryna 21 625 teńge óndіrіldі.
Material avtory
