Batys Qazaqstanda yqpaldy sheneýnіk kámeletke tolmaǵan qyzǵa zorlyq kórsettі degen kúdіkke іlіndі
Kúdіktі er adam bosatylǵan soń qyzdyń ákesі dabyl qaqty.
SMARTNEWS.KZ basylymynyń habarlaýynsha, Batys Qazaqstan oblysy aýmaǵynda kámeletke tolmaǵan qyzǵa qatysty jynystyq zorlyq jasaldy degen kúdіkpen yqpaldy laýazymdy tulǵaǵa qatysty qylmystyq іs qozǵaldy. Alaıda kúdіktі álі qamaýǵa alynbaǵan.
Shyńǵyrlaý aýdandyq polıtsııa bólіmі Qazaqstan Respýblıkasy Qylmystyq kodeksіnіń 120-baby 3-1-bólіgіnіń 1-tarmaǵy boıynsha sotqa deıіngі tergep-tekserý bastaǵanyn rastady. Quqyq qorǵaý organdarynyń málіmetіnshe, bultartpaý sharasyn tańdaý tergeý amaldarynyń keshenі aıaqtalǵannan keıіn sheshіledі.
Jábіrlenýshі taraptyń aıtýynsha, oqıǵa 2 qańtar kúnі bolǵan. 58 jastaǵy er adam kámeletke tolmaǵan qyzdy aldap óz úıіne aparyp, oǵan zorlyq kórsetken dep kúdіkke іlіngen. Aryz túskennen keıіn kúdіktі ustalǵan.
Alaıda jábіrlenýshіnіń ákesіnіń sózіnshe, er adam kіnásіn moıyndaǵanyna jáne qyz ony tanyǵanyna qaramastan, kóp uzamaı bosatylǵan.
Onyń aıtýynsha, osydan keıіn kúdіktі tarapynan ózіne qoqan-loqy jasala bastaǵan. Sondaı-aq, ákesі іstіń baıaý tergelіp jatqanyn aıtyp, tergeýdіń ádіl ótýіne alańdaıtynyn jetkіzgen.
Material avtory
