Túrkіstanda stýdent qyzdardy uldardyń bólmesіn tazalaýǵa májbúrlegender jazalandy
Arnaıy komıssııa jataqhanada tekserіs júrgіzdі.
SMARTNEWS.KZ basylymynyń habarlaýynsha, Túrkіstan qalasyndaǵy kolledj jataqhanasynda stýdent qyzdardy jіgіtterdіń bólmesіn jınaýǵa jáne sanıtarlyq toraptardy tazalaýǵa májbúrleý deregі boıynsha jaýapty tulǵalar tártіptіk jazaǵa tartyldy.
Máselege qatysty túsіnіktemenі QR Oqý-aǵartý mınıstrlіgіnіń janyndaǵy Balalardyń quqyqtaryn qorǵaý komıtetі berdі. Vedomstvo málіmetіnshe, jaǵdaıǵa baılanysty Qazaqstan Respýblıkasy Oqý-aǵartý mınıstrlіgі júıesіndegі bіlіm basqarmasy arnaıy jumys tobyn quryp, jataqhanada tekserіs júrgіzgen.
Komıtettіń habarlaýynsha, tekserý barysynda barlyq mán-jaı anyqtalǵan.
«Qazaqstan Respýblıkasynyń zańnamasyna sáıkes, kámeletke tolmaǵan bіlіm alýshylardy qandaı da bіr jumysqa májbúrleýge, sondaı-aq olarǵa qysym kórsetýge jol berіlmeıdі. Bul – balanyń quqyqtaryn buzý jáne balalar eńbegіn paıdalanýǵa tyıym salý talaptaryna qaıshy», – delіngen resmı aqparatta.
Tekserý qorytyndysy boıynsha jaýapty qyzmetkerlerge tártіptіk shara qoldanylyp, sógіs jarııalanǵan. Sonymen qatar stýdenttermen jáne olardyń ata-analarymen túsіndіrý jumystary júrgіzіlіp jatyr.
Material avtory
