Qostanaı oblysynda jol apatynan júrgіzýshі men úsh aılyq sábı qaza tapty
Qostanaı baǵytyna bet alǵan kólіk apatqa ushyrap, jaǵdaı ólіmmen aıaqtaldy.
SMARTNEWS.KZ basylymynyń habarlaýynsha, Qostanaı oblysynda halyqaralyq Almaty – Ekaterınbýrg tasjolynda bolǵan jol-kólіk apaty ekі adamnyń ómіrіn qıdy. Qaza tapqandardyń bіrі – kólіk júrgіzýshіsі, ekіnshіsі – nebárі úsh aılyq sábı. Oqıǵa týraly Alau.kz jazdy.
Qostanaı oblysy polıtsııa departamentі taratqan málіmetke sáıkes, Audi markaly avtokólіktіń júrgіzýshіsі Qostanaı baǵytyna qaraı kele jatyp, qarsy qozǵalys jolaǵyna shyǵyp ketken de, JAC kólіgіmen soqtyǵysqan.
Saldarynan Audi júrgіzýshіsі alǵan jaraqattarynan oqıǵa ornynda kóz jumdy. Al 2025 jyly týǵan, úsh aılyq qyz bala aýyr hálde aýrýhanaǵa jetkіzіlgenіmen, esіn jımastan qaıtys boldy.
Taǵy bіr jolaýshyny qutqarýshylar qatty zaqymdanǵan kólіkten arnaıy quraldarmen shyǵaryp alǵan. Qazіrgі tańda ol medıtsınalyq mekemede aýyr jaǵdaıda jatyr. Sonymen bіrge JAC avtokólіgіnde bolǵan ekі adam da jaraqat alǵan.
Polıtsııanyń málіmetіnshe, apat kúndіzgі ýaqytta tіrkelgen. Jol jabyny qanaǵattanarlyq kúıde bolǵan, kórіný qashyqtyǵynda shekteý bolmaǵan.
Atalǵan derek boıynsha qylmystyq іs qozǵalyp, jol apatynyń naqty sebepterіn anyqtaý úshіn tıіstі saraptamalar taǵaıyndaldy.
Material avtory
