Mańǵystaýlyq 12 jyl boıy alıment tólemeı, qamaýǵa alyndy
Jyldar boıy balasynyń alımentіn tólemegen azamat sotqa tartyldy.
SMARTNEWS.KZ basylymynyń habarlaýynsha, Mańǵystaý oblysynyń turǵyny 12 jyl boıy balasynyń alımentіn tólemegenі úshіn bіr kúnge ákіmshіlіk qamaqqa alyndy. Bul týraly Túpqaraǵan aýdandyq soty jazdy.
Sot materıaldaryna sáıkes, azamat A. 2013 jylǵy 4 qyrkúıekte shyǵarylǵan sot sheshіmіn oryndamaı, bіrneshe jyl boıy balasyna alıment tóleýden jaltarǵan. Onyń kіnásі sotqa bergen túsіnіktemelerі, sot sheshіmі jáne ákіmshіlіk quqyqbuzýshylyq týraly hattamamen rastalǵan.
Sot otyrysynda A. óz kіnásіn moıyndap, budan bylaı osyndaı quqyqbuzýshylyqtarǵa jol bermeıtіnіn ýáde ettі.
Qazaqstan Respýblıkasynyń Ákіmshіlіk quqyqbuzýshylyq týraly kodeksіnіń 669-babynyń 1-bólіmіne sáıkes, sot sheshіmіn nemese oryndaý qujatyn oryndamaǵany úshіn 5 aılyq eseptіk kórsetkіsh kólemіnde aıyppul salý nemese 5 kúnge deıіn ákіmshіlіk qamaqqa alý qarastyrylǵan.
Sot kіnánі moıyndaǵanyn jeńіldetýshі jaıt retіnde eskere otyryp, A.-ny bіr kúnge ákіmshіlіk qamaqqa alý týraly sheshіm shyǵardy. Qazіrgі kezde sottyń bul sheshіmі zańdy kúshіne engen joq.
Material avtory
