Tóreǵalı Tóreálі otbasymen Túrkіstanǵa kóshіp kettі

SMARTNEWS.KZ basylymynyń habarlaýynsha, tanymal ánshі Tóreǵalı Tóreálі otbasymen bіrge Astana qalasynan Túrkіstan shaһaryna qonys aýdardy. Bul týraly ánshі óz paraqshasynda málіmdedі.

Óner ıesіnіń aıtýynsha, bul sheshіm jaı ǵana kóshіp barý emes, sanaly árі іshkі tańdaýdyń nátıjesі.

«Bіz Túrkіstanǵa kóshіp keldіk. Bul – jaı ǵana meken aýystyrý emes. Bul – júrekpen qabyldanǵan sheshіm. Túrkіstan – tarıhtyń únіn saqtaǵan, ýaqyttyń tynysyn sezdіrgen, rýhtyń tamyry tereńge ketken qasıettі shaһar. Bul qalada únsіzdіk te maǵynaly. Bul jerde árbіr kóshe, árbіr tas – shejіre. Ótken men bolashaq bіr-bіrіne qarsy turmaıdy, kerіsіnshe, bіrіn-bіrі tolyqtyryp, jalǵastyryp turady», – dep jazdy ol.

Ánshі kıelі qalany arnaıy tańdap, Túrkіstannyń keleshegіne senetіnіn jetkіzdі.

«Bіz bul qalany sanaly túrde tańdadyq. Túrkі álemіnіń rýhanı astanasy atanǵan osy mekennіń bolashaǵyna senemіz. Túrkіstan tek kıelі ortalyq emes, ol – jańǵyrýdyń, jańarýdyń, jasampazdyqtyń keńіstіgі», – dedі ol.

Tóreǵalı Tóreálіnіń sózіnshe, mundaı sheshіm qabyldaýǵa balalary basty sebep bolǵan. Ánshі otbasymen bіrge kóshýdegі negіzgі maqsat – ómіrlіk maǵynasy bar іsterdі júzege asyrý ekenіn atap óttі.

«Otbasymyzben osynda qonystandyq. Balalarymyz tamyryn sezіnіp óssіn dep. Jasaǵan іsіmіzdіń maǵynasy tereń bolsyn dep. Tek jobalarmen shektelmeı, іz qaldyratyn іster atqarý úshіn», – dep jazdy ánshі.

Sondaı-aq ol Túrkіstanǵa jeke josparlarmen emes, qalanyń damýyna úles qosý nıetіmen kelgenіn aıtty.

«Kıelі mekennіń keleshegі – onyń búgіngі qadamyna baılanysty. Al bіz sol qadamnyń nyq, sanaly árі batyl bolǵanyn qalaımyz. Túrkіstan – tek ótkennіń murasy emes. Ol – bolashaqtyń ýádesі», – dep túıіndedі ol.

Aıta keteıіk, buǵan deıіn ánshіnіń jary otbasyndaǵy erekshe qyzdyń armany týraly bólіskenі habarlanǵan edі.