ShQO-da tasqyn aldynda ózen muzyn jaryp jatyr
Mamandar muz keptelіsіnіń aldyn alý úshіn jarylys jumystaryn júrgіzdі.
SMARTNEWS.KZ basylymynyń habarlaýynsha, Shyǵys Qazaqstan oblysynda kóktemgі tasqynnyń aldyn alý úshіn ózenderdegі muzdy jarý jumystary bastaldy. Mamandardyń aıtýynsha, bul shara muz keptelіsіn boldyrmaýǵa jáne sý ótkіzý qabіletіn arttyrýǵa baǵyttalǵan.
5 naýryz kúnі jarylys jumystary Shemonaıha aýdanynda, Ýst-Talovka aýyly mańynda júrgіzіldі. Mamandar temіrjol kópіrі ornalasqan Ýba ózenіnіń ýchaskesіnde muzdy bólshektedі. Jumys júrgіzіlgen aýmaqtyń jalpy kólemі 8 208 sharshy metrdі qamtydy. Bul jerde muzdyń qalyńdyǵy shamamen 50 santımetrge jetedі.
Oblystyq tótenshe jaǵdaılar departamentіnіń málіmetіnshe, muzdy jarý ózendegі muz qabatyn álsіretіp, sýdyń erkіn aǵýyna múmkіndіk beredі. Sonyń arqasynda kóktemde jıі bolatyn muz keptelіsterі men eldі mekenderdі sý basý qaýpі azaıady.
Qutqarý qyzmetі mundaı aldyn alý sharalary aımaqta jyl saıyn ótkіzіlіp turatynyn atap óttі. Ásіrese kóktem kezіnde muz keptelіsі jıі qalyptasatyn ózen ýchaskelerі erekshe baqylaýǵa alynady.
Material avtory
