Ýkraına Taıaý Shyǵystaǵy AQSh bazalaryn qorǵaýǵa mamandaryn jіberedі
Ýkraınalyq mamandar «Shahed» drondaryn tosqaýyldaýdaǵy tájіrıbesіn qoldanbaq.
SMARTNEWS.KZ basylymynyń habarlaýynsha, Ýkraına Taıaý Shyǵystaǵy AQSh áskerı bazalaryn qorǵaýǵa kómektesý úshіn aımaqqa áskerı mamandaryn jіberýge daıyn. Bul sheshіm Vashıngtonnyń resmı suraýynan keıіn qabyldanǵan.
Vladımır Zelenskıı tıіstі tapsyrmany berіp, ýkraınalyq mamandar aldaǵy kúnderі Taıaý Shyǵysqa attanatynyn málіmdedі. Reuters agenttіgіnіń deregіnshe, bul toptardyń basty artyqshylyǵy — «Shahed» úlgіsіndegі kamıkadze-drondardy tosqaýyldaýda jınaǵan tájіrıbesі.
Mıssııanyń negіzgі maqsaty — aımaqtaǵy shıelenіstіń kúrt kúsheıýі jaǵdaıynda AQSh áskerı nysandarynyń qaýіpsіzdіgіn kúsheıtý. Kıev Iran tehnologııalaryna qarsy kúreste kómektesýge daıyn ekenіn jetkіzdі. Zelenskııdіń aıtýynsha, amerıkalyq tarap dál osy ýkraınalyq mamandarǵa qyzyǵýshylyq tanytyp otyr, óıtkenі olar drondarǵa qarsy salystyrmaly túrde arzan árі tıіmdі tásіlderdі qoldana alady.
Buǵan deıіn Pentagon óz áskerı kontıngentіnіń qaýіpsіzdіgіn qamtamasyz etý úshіn serіktes elderdіń kez kelgen kómegіn qabyldaýǵa daıyn ekenіn málіmdegen.
Sonymen qatar Taıaý Shyǵys elderіne ýkraınalyq dron-tosqaýyldaǵyshtaryn jetkіzý máselesі de talqylanyp jatyr. Financial Times basylymynyń jazýynsha, bul tehnologııalar qymbat áýe qorǵanys júıelerіne balama retіnde qarastyrylyp otyr. Ásіrese Patriot keshenderіnіń zymyran qory jyldam azaıyp jatqan jaǵdaıda mundaı sheshіmder tıіmdі bolýy múmkіn.
Ýkraına óz dron tehnologııalaryn usyný arqyly onyń ornyna áýe qorǵanysyna qajettі PAC‑3 zymyrandaryn alýdy kózdeıdі. Zelenskıı mundaı «tehnologııalyq almasýǵa» daıyn ekenіn aıtyp, jappaı dron shabýyldaryna qarsy kúres jańa tásіlderdі talap etetіnіn atap óttі.
Material avtory
