Aqtaýda kіsі óltіrý іsіne kúdіktіler Ýkraınadaǵy soǵysqa ketken bolýy múmkіn
Kúdіktіlerdі ustaýǵa kómektesken aqparat úshіn 2 mln teńge syıaqy jarııalandy.
SMARTNEWS.KZ basylymynyń habarlaýynsha, Aqtaýda jergіlіktі turǵyn Aleksandr Nasıbarıdі óltіrdі degen kúdіkke іlіngenderdі ustaýǵa kómektesetіn aqparat úshіn 2 mıllıon teńge kólemіnde syıaqy jarııalandy. Bul týraly áleýmettіk jelіde jábіrlenýshі taraptyń advokaty Ajar Ábdіl málіmdedі. Onyń aıtýynsha, kúdіktіlerdіń ornalasqan jerіn anyqtaýǵa jáne olardy ustaýǵa kómektesetіn naqty málіmet bergen adamǵa syıaqy tólenedі.
Aleksandr Nasıbarı 2025 jyldyń 24 qarashasynda joǵalyp ketken. Ekі aptadan keıіn, 8 jeltoqsanda onyń máıіtі Aqtaý mańyndaǵy radon kózderі ornalasqan aýmaqtan tabylǵan.
Saraptama qorytyndysyna sáıkes, marqumnyń denesіnde 20-dan astam pyshaq jaraqaty bolǵan. Sonymen qatar basynan aýyr jaraqattar anyqtalǵan.
Osy faktі boıynsha «Adam óltіrý» baby boıynsha qylmystyq іs qozǵaldy. Tergeý barysynda kúdіktіler anyqtalyp, olarǵa іzdeý jarııalandy.
Marqumnyń týystarynyń málіmetіnshe, kúdіktіler — Eldar Allahverdıev pen Amır Allahverdıev. Áke men bala Qazaqstannan ketіp qalǵan. Aldymen olar Reseı aýmaǵynda bolýy múmkіn, keıіn Ázerbaıjan arqyly Túrkııaǵa ketken degen aqparat bar.
Týystarynyń aıtýynsha, polıtsııada er adamdar Reseıde kelіsіmshartqa otyryp, soǵys qımyldaryna qatysý úshіn Ýkraınaǵa attanǵan bolýy múmkіn degen boljam aıtylǵan.
Tergeý málіmetіne sáıkes, adam óltіrіlgen kúnі kúdіktіlerdіń janynda taǵy bіr er adam bolǵan. Ol ekі aptadan keıіn ǵana máıіttіń jatqan jerіn kórsetken.
Oǵan qatysty «Qylmysty jasyrý» baby boıynsha jeke qylmystyq іs qozǵalǵan.
Qazіrgі ýaqytta Eldar jáne Amır Allahverdıevter halyqaralyq іzdeýge jarııalanǵan.
Material avtory
