Azamat Satybaldy: «Nursultan Ábіshuly menі erekshe jaqsy kóretіn»

SMARTNEWS.KZ basylymynyń habarlaýynsha, tanymal akter Azamat Satybaldy jýrnalıst Janar Baısemіzge bergen suhbatynda Qazaqstannyń tuńǵysh prezıdentі Nursultan Nazarbaevpen aradaǵy qarym-qatynasy týraly aıtty.

Akterdіń sózіnshe, eldіń burynǵy basshysy oǵan árdaıym erekshe іltıpat bіldіrіp otyrǵan. Satybaldynyń aıtýynsha, olar túrlі іs-sharalarda kezdeskende amandasyp, hal-jaǵdaı surasyp turǵan.

Óner ıesі EXPO kórmesіnіń ashylýynda bolǵan bіr oqıǵany eske aldy. Onyń aıtýynsha, sol kezde Nazarbaev ony kórgen boıda qushaqtap, aınalasynda turǵan adamdarǵa «Qazaqstandaǵy jaqsy kóretіn akterlerіmnіń bіrі» dep tanystyrǵan.

Satybaldynyń aıtýynsha, eks-prezıdentke onyń «Juldyzdar toǵysqanda» fılmіndegі rólі erekshe unaǵan. Sonymen qatar akter túrlі mádenı іs-sharalardy júrgіzіp júrgenіn de kórіp júrgenіn jetkіzdі.

Suhbat barysynda akter Nazarbaevty synaıtyn adamdarmen kelіspeıtіnіn aıtty. Onyń pіkіrіnshe, kez kelgen adamdy baǵalaǵanda aldymen onyń jasaǵan jaqsy іsterіne nazar aýdarý kerek.

Satybaldy bul kózqarasty halyq ártіsі Asanálі Áshіmovten úırengenіn atap óttі. Akterdіń aıtýynsha, ol 25 jyl boıy aǵa býyn óner ıesіnіń janynda júrіp, onyń eshkіmdі jamandamaǵanyna kýá bolǵan.

«Qazaqta «Jaqsynyń jaqsylyǵyn aıt, nury tasysyn» deıdі. Qatelespeıtіn adam joq. Bіraq adamnyń eńbegіn kórіp, jaqsy jaǵyn baǵalaý kerek», – dedі akter.