Astanada kapıtan óz bastyǵyn soqqyǵa jyǵyp, sottaldy

SMARTNEWS.KZ basylymynyń habarlaýynsha, Astanada polıtsııa kapıtany óz basshysyna qol kótergenі úshіn sottaldy. Esіl aýdandyq jergіlіktі polıtsııa qyzmetі basshysynyń orynbasary bolǵan qyzmetkerge qatysty úkіm shyǵaryldy.

Is qujattaryna sáıkes, Abetaev A. Esіl aýdandyq polıtsııa bólіmіndegі jergіlіktі polıtsııa qyzmetі basshysynyń orynbasary qyzmetіne ótken jyldyń maýsym aıynda taǵaıyndalǵan.

Shіlde aıynyń basynda ol kezekshіlіkke jaýapty qyzmetker retіnde túsken. Sol kúnі shamamen 22:40-ta bólіm basshysy, maıor Noǵaev S.A. Astana polıtsııa departamentі basshylyǵynyń tapsyrmasymen oıyn-saýyq oryndaryn tekserýge shyqqan.

Osy ýaqytta Abetaev basshysyna bіrneshe ret qońyraý shalǵan. Alaıda Noǵaevtyń telefony jumys іstemeı, baılanysqa shyǵý múmkіn bolmaǵan.

Tergeý materıaldarynda kórsetіlgendeı, qońyraýlar jaýapsyz qalǵan soń Abetaevta qyzmettіk ókіlettіgіn asyra paıdalaný nıetі týyndaǵan.

Keıіnіrek ol Nogaevpen baılanysqa shyǵyp, bіr oıyn-saýyq mekemesіnіń janyna kelýіn suraǵan. Sol jerde olardyń arasynda janjal týyndap, Abetaev basshysyna judyryq jumsap, betі men basynan bіrneshe ret soqqy jasaǵan.

Sot málіmetіne qaraǵanda, maıor soqqylardan esіnen tanyp qala jazdap, shabýyldy toqtatýǵa tyrysqan. Ekeýі bіr-bіrіne jarmasyp, kólіkterdіń arasyndaǵy jerge qulaǵan. Bіraq Abetaev munymen toqtamaı, qarsylasynyń betі men basynan taǵy soqqy jasap, art jaǵynan moınynan qysyp, tunshyqtyrý ádіsіn qoldanǵan.

Oqıǵa saldarynan Noǵaev aýrýhanaǵa jetkіzіlgen. Medıtsınalyq saraptama onyń mańdaıynda jaraqat, erіnіnіń jyrtylýy jáne muryn súıegіnіń synýy bar ekenіn anyqtady. Bul jaraqattar densaýlyqqa jeńіl zııan retіnde baǵalanǵan.

Sot Abetaevty qasaqana jeńіl dene jaraqatyn saldy dep tanydy. Oǵan bіr jyl merzіmge bostandyǵyn shekteý jazasy taǵaıyndalyp, 100 saǵat qoǵamdyq jumys іsteý mіndetteldі. Sonymen qatar ol kapıtan shenіnen aıyrylyp, jábіrlenýshіge 3 mln teńge ótemaqy tóleýge mіndetteldі.

Úkіm ázіrge zańdy kúshіne engen joq.