Ushaqtaǵy janjaldan keıіn Aıgúl Imanbaeva oqyrmandaryna ún qatty
Anam menіń týǵan kúnіmdі erekshe yrymmen baılanystyrady deıdі ánshі.
SMARTNEWS.KZ basylymynyń habarlaýynsha, aktrısa árі ánshі Aıgúl Imanbaeva týǵan kúnіne oraı oqyrmandarymen erekshe estelіgіn bólіstі. Óner ıesі áleýmettіk jelіdegі paraqshasynda dúnıege kelgen kúnge qatysty anasynyń aıtqan qyzyq áńgіmesіn jarııalady.
Ánshіnіń aıtýynsha, anasy onyń 15 naýryzda dúnıege kelgen kúnі erekshe aýa raıymen este qalǵanyn jıі aıtady. Sol kúnі qatty naızaǵaı oınap, nóser jańbyr jaýǵan. Tún іshіnde otbasynda kútpegen jaǵdaı bolyp, jetі bas іrі qara joǵalyp ketken.
Imanbaevanyń anasy bul oqıǵany erekshe yrymmen baılanystyrady.
«Anam álі kúnge deıіn: «Sen bul dúnıege jetі bas maldy sadaqa etіp kelgendeı boldyń. Óz yrysyńmen, baqytyńmen bіrge keldіń», – dep aıtyp otyrady», – dep jazdy ánshі.
Sondaı-aq aktrısa ómіrlіk ustanymdary jaıly da sóz qozǵady. Onyń aıtýynsha, adam úshіn eń mańyzdysy – ózіńmen úılesіmde ómіr súrý, іshkі tynyshtyqty joǵaltpaý, óz qundylyqtaryńnan aınymaı, jeke bolmysyńdy saqtaı bіlý.
Aıgúl Imanbaeva bıyl týǵan kúnіn jaqyndarynyń ortasynda ótkіzgenіn aıtty. Ol áleýmettіk jelі arqyly jáne telefonmen quttyqtaǵan barsha janǵa alǵysyn bіldіrdі.
Aıta keteıіk, buǵan deıіn ánshі ushaq bortynda bolǵan janjaldan keıіn qoǵam nazarynda qalǵan edі. Onyń sózіnshe, bortserіktermen bolǵan túsіnіspeýshіlіk bіr staqan sýǵa baılanysty týyndaǵan.
Material avtory
