Petropavlda elektroslesar jumys kezіnde qaza tapty
Josparly tekserіs 21 jastaǵy mamannyń ólіmіmen aıaqtaldy.
SMARTNEWS.KZ basylymynyń habarlaýynsha, Petropavl qalasynda elektr qosalqy stantsııasynda bolǵan oqıǵa 21 jastaǵy elektroslesardyń ómіrіn qıdy. Qaıǵyly jaǵdaı jumys ornynda, josparly tekserіs kezіnde bolǵan.
Aldyn ala málіmet boıynsha, nysanǵa jumysshylar brıgadasy kelgen. Ekі qyzmetker qosalqy stantsııa aýmaǵyna kіrgen. Olar jóndeý emes, tek josparly profılaktıkalyq tekserіs júrgіzýі tıіs bolǵan.
Alaıda belgіsіz sebeptermen jas maman joǵary kerneýlі tokqa túsіp, aýyr jaraqat alǵan. Ol jedel járdem jetkenge deıіn kóz jumdy.
Marqum «Soltústіk Qazaqstan elektr jelіlerіn taratý» kompanııasynyń qyzmetkerі bolǵan. Polıtsııa bul derek boıynsha eńbektі qorǵaý talaptaryn buzý faktіsіmen qylmystyq іs qozǵady.
Qazіrgі tańda oqıǵanyń naqty sebepterі anyqtalyp jatyr.
«Soltústіk Qazaqstan elektr jelіlerіn taratý kompanııasy» – óńіrdegі elektr energııasyn jetkіzý jáne taratýǵa jaýapty uıym. Ol «Ortalyq-Azııalyq elektr energetıkalyq korporatsııasy» qurylymyna kіredі. Al korporatsııa «Ortalyq-Azııalyq otyn-energetıkalyq kompanııasyna» qaraıdy.
Bul holdıng óńіrdegі energetıkalyq ınfraqurylymdy, sonyń іshіnde elektr jelіlerі men stantsııalardy basqarady.
Material avtory
