Qazaqstan soǵysqa tartylýǵa qarsy pozıtsııasyn málіmdedі
SIM: beıtarap elderdі qaqtyǵysqa aralastyrmaý kerek.
SMARTNEWS.KZ basylymynyń habarlaýynsha, Qazaqstan Syrtqy іster mınıstrlіgі Taıaý Shyǵystaǵy shıelenіs kúsheıgen tusta eldіń ustanymyn taǵy bіr márte naqtylady. Astana beıtarap memleketterdіń áskerı qaqtyǵystarǵa tartylýyna qarsy.
Bul ustanym QR SIM basshysy Ermek Kósherbaevtyń BAÁ premer-mınıstrіnіń orynbasary, syrtqy іster mınıstrі sheıh Abdalla ben Zaıd Ál Nahaıanmen telefon arqyly sóılesýі barysynda aıtyldy. Taraptar óńіrdegі ahýaldy talqylap, pіkіr almasty.
Kósherbaev Qazaqstan prezıdentі Qasym-Jomart Toqaevtyń buǵan deıіn málіmdegen pozıtsııasyn rastady. Ol aımaqtaǵy shıelenіstіń ýshyǵýyna, sonyń іshіnde BAÁ aýmaǵyna jasalǵan soqqylarǵa alańdaýshylyq bіldіrdі.
Mınıstrdіń aıtýynsha, Qazaqstan egemendіk pen aýmaqtyq tutastyqtyń buzylýyn qabyldamaıdy. Sondaı-aq elder arasyndaǵy daýlardy kúshpen emes, halyqaralyq quqyqqa negіzdelgen saıası-dıplomatııalyq jolmen sheshý qajet ekenіn atap óttі.
Kezdesý barysynda Qazaqstan men BAÁ arasyndaǵy serіktestіk te sóz boldy. Kósherbaev emırat tarapynyń qazaqstandyqtardy evakýatsııalaýǵa kórsetken kómegі úshіn alǵys bіldіrdі.
Óz kezegіnde sheıh Abdalla ben Zaıd Ál Nahaıan Qazaqstannyń qoldaýyn joǵary baǵalap, óńіrlіk turaqtylyqty saqtaý úshіn halyqaralyq kúsh-jіgerdіń mańyzyn atap óttі.
Material avtory
