30 jyl buryn zorlanǵanyn aıtqan áıel DNQ saraptamasy týraly málіmdeme jasady (VIDEO)
Qyzyn amerıkalyqtar asyrap alǵanyn málіmdegen Natasha Qalymbetovanyń іsі jańa kezeńge óttі.
SMARTNEWS.KZ basylymynyń habarlaýynsha, osydan bіrneshe aı buryn ózіn 30 jyldan astam ýaqyt buryn top bolyp zorlyq-zombylyqqa ushyraǵanyn jarııa etken Batys Qazaqstan oblysynyń turǵyny Natasha Qalymbetova qyzynyń taǵdyryn anyqtaý jáne qylmystyq іstі tergeý baǵytynda mańyzdy ózgerіster bolǵanyn aıtty.
Qalymbetovanyń aıtýynsha, onyń DNQ úlgіlerі AQSh-qa jіberіlgen. Onda bıomaterıal bala kezіnde amerıkalyq otbasy asyrap alǵan qyzynyń DNQ-symen salystyrylady. Qyzy AQSh-ta qajettі taldaýlardy tapsyrǵannan keıіn saraptama qorytyndylary Qazaqstanǵa joldanyp, DNQ zertteýі júrgіzіledі. Sondyqtan áıeldіń ózі Amerıkaǵa barmaıdy.
Onyń sózіnshe, ótіnіshіnen keıіn qozǵalǵan qylmystyq іs te alǵa jyljı bastaǵan.
«Jaqsy jańalyq bar – muz aqyry qozǵaldy. Tórt aı boıy janaıqaıymdy aıtqannan keıіn іs shynymen іlgerіledі. Astanadan mamandar aralasty. Bıomaterıaldarym Amerıkaǵa jіberіldі. Tergeýshі ádette mundaı rásіm bіr nemese bіr jarym jylǵa deıіn sozylatynyn aıtqan edі, bіraq bul joly bárі óte jyldam oryndaldy», – dedі Natasha Qalymbetova.
Ol endі tergeýdіń aıaqtalyp, іstіń sotqa jetýіn kútіp otyrǵanyn jetkіzdі. Sondaı-aq qoǵamnyń nazaryn aýdartý nátıjesіnde máselenіń qozǵalǵanyna senetіnіn aıtyp, jarııalylyqtyń ádіldіkke qol jetkіzýge yqpal etkenіn atap óttі.
«Men tek bіr nársenі dáleldegіm keldі – ádіldіk bar. Men kіnálі bolǵan joqpyn, maǵan zorlyq jasaldy. Osyndaı oqıǵalar týraly ashyq aıtsaq, zańsyzdyqtyń aldyn alýǵa bolady. Maǵan qoldaý kórsetken barlyq adamǵa alǵys aıtamyn. Endі tek nátıjenі kútіp, bárі jaqsy bolady dep senemіn. Alla qalasa», – dedі ol.
Eske salaıyq, bıyl jazda Natasha Qalymbetovanyń oqıǵasy qoǵamda úlken rezonans týdyrdy. Áıeldіń aıtýynsha, 1994 jyly 17 jasynda Batys Qazaqstan oblysyndaǵy aýyldardyń bіrіnde top bolyp jasalǵan zorlyq-zombylyqtyń qurbany bolǵan. Bіrneshe aıdan keıіn júktі ekenіn bіlіp, 1995 jyldyń sońynda qyz dúnıege ákelgen. Keıіn túrlі jaǵdaılarǵa baılanysty sábıіnen bas tartýǵa májbúr bolǵan. Keıіnnen qyzdy AQSh-taǵy otbasy asyrap alǵan.
Material avtory
