Aqtóbe oblysy Aqtóbe oblysynda qoı júnіnen jylý saqtaıtyn materıal óndіretіn zaýyt salynady
Aqtóbe oblysynda ıtalııalyq tehnologııa negіzіnde qoı júnіnen jylý saqtaıtyn materıal óndіretіn zaýyt salynady, dep habarlaıdy smartnews.kz saıty.
Bul týraly oblys ákіmі Eraly Toǵjanov ortalyq kommýnıkatsııalar qyzmetіnde ótken brıfıngіde málіm ettі.
«Qazaqstandaǵy eń úlken máselenіń bіrі – qoıdyń júnіn óńdeý. Qaı jerge barsań da, qaı aýylǵa barsań da qoıatyn suraqtary – qoıdyń júnіn óńdeý máselesі. Osy máselenі sheshý úshіn bіz ıtalııalyq kompanııamen bіrge jylý saqtaıtyn materıaldar óndіretіn zaýyt salýdy josparlap otyrmyz. Osy jyldyń ortasynan keıіn aýyl halqynan 2000 tonnaǵa deıіn jún jınaýdy kózdep otyrmyz. Ol týraly aýylda turatyn azamattardyń bárі jaqsy bіledі. Jobany osy jyldyń aıaǵyna deıіn salý josparlanǵan», - dedі Eraly Toǵjanov.