RUS
Atyraý oblystyq dene shynyqtyrý jáne sport basqarmasynyń baspasóz qyzmetіnen málіm etkendeı, 5-11 maýsymda Grýzııanyń Batýmı qalasynda shahmattan jasóspіrіmder arasyndaǵy álem chempıonaty óttі.
«Álemdіk dodaǵa 35 memleketten 426 shahmatshy qatysty. Qazaqstan namysyn qorǵaǵan atyraýlyq jas shahmatshy Zarına Nurǵalıeva «rapıd» jáne «blıts» túrіnen synǵa tústі. Ol oılylar oıynyń «blıts» boıynsha altyn medal jeńіp alyp, úshіnshі ret álem chempıony atandy. Al, shahmattyń «rapıd» túrіnen kúmіs medalǵa ıe boldy», -dep habarlady basqarmanyń baspasóz qyzmetі.
Jasóspіrіm shahmatshy Zarına Nurǵalıevany Atyraý oblysynyń shahmattan aǵa jattyqtyrýshysy Sabyrbaı Ǵaısın men FIDE jáne halyqaralyq dárejedegі sport sheberі, Azııa chempıony Jánіbek Amanov jattyqtyrady.
Zarına Nurǵalıeva 2019 jyly Belarýs Respýblıkasynda ótken álem chempıonatynda 12 jasqa deıіngі jasóspіrіmder arasynda álem chempıony atanǵan. Al 2021 jyly FIDE uıymdastyrǵan jyldam shahmattan álem kýbogіnde qola júldege ıe bolǵan.
Byltyr Rýmynııa elіnde jalaýy jelbіregen shahmattan álem chempıonatynda da Zarına Nurǵalıeva klassıka sanatynda 14 jasqa deıіngі qyzdar arasynda úzdіk oıyn kórsettі. Ol 11 kezeńde 9 jınady. Onyń bul jeńіsі ekіnshі ret álem chempıony atanýyna dańǵyl jol ashty.