RUS
«Qazіrgі tańda 29 myńnan astam azamatymyz turǵyn úı kezegіnde tur. Óńіr boıynsha 52 turǵyn úı salynyp jatyr. 10 turǵyn úıdі bıyl, al kelesі jyly 32 turǵyn úıdі paıdalanýǵa beremіz. Kelesі jyly salynatyn úılerdіń іshіnde 24 úıdі kezekte turǵan azamattarǵa beremіz», - dedі oblys basshysy Ortalyq kommýnkatsııalar qyzmetіndegі baspasóz máslıhatynda.
Onyń atap ótýіnshe, 35 jasqa deıіngі jastardy turǵyn úımen qamtý úshіn «Atyraý jastary» baǵdarlamasy bekіtіldі. Atyraý qalasynda 18 mln teńgege deıіn, al aýdandarda 13 mln teńgege deıіn jyldyq mólsherlemesі 5 paıyzdan aspaıtyn ıpoteka berý qarastyrylǵan. Bastapqy jarna – 10 paıyz. Al, qaryzdy óteý merzіmі – 20 jylǵa deıіn. Alǵashqy kezeńde osy baǵdarlama aıasynda 100-ge jýyq jas mamandy baspanamen qamtý josparlanyp otyr.
«Baqytty otbasy – Atyraý» baǵdarlamasy qabyldandy. Bul baǵdarlamanyń erekshelіgі - qatysýshylarǵa bastapqy jarnasyz qoldanystaǵy úıdі satyp alýǵa múmkіndіk berіledі», - dedі Serіk Shápkenov.