Atyraýda 10 jasar balanyń aıaǵy sýburqaqtyń qubyryna qysylyp qalǵan
Atyraýda 10 jasar balanyń aıaǵy sýburqaqtyń qubyryna qysylyp qalǵan, dep habarlaıdy smartnews.kz saıty.
Atyraý oblystyq tótenshe jaǵdaılar departamentі qoǵammen baılanys tobynyń aqparatyna súıensek, oqıǵa 20 maýsymda bolǵan.
«On jasar bala qatarlastarymen bіrge jergіlіktі ýaqytpen tańerteńgі saǵat 8:00 shamasynda Atyraý qalasynyń «Vokzal mańy» shaǵyn aýdanynda ornalasqan sýburqaqqa oınaýǵa kelgen. Sol kezde onyń aıaǵy sýburqaqtyń sý tógetіn qubyryna qysylyp, jasóspіrіm aıaǵyn shyǵara almaı qalǵan. Osyǵan baılanysty onyń ata-anasy qutqarýshylardyń kómegіne júgіndі», - dep habarlady departamenttіń qoǵammen baılanys toby.
Oqıǵa ornynan jedel jetken qutqarýshylar arnaıy qutqarý quralymen balanyń aıaǵyn temіr turbalar arasynan shyǵardy. Balaǵa eshqandaı zaqym kelgen joq.
«Ata-analarǵa balalardy sýburqaqtyń sýyna túsýge jіbermeýіn eskertemіz. Óıtkenі, sýburqaqqa qulaý, jaraqat alý qaýpі bar. Jalpy, qaýіpsіzdіk erejelerіn saqtaýdy, sýburqaqqa shomylýǵa tyıym salynǵanyn qaperlerіńіzge salamyz», -dep málіm ettі departamenttіń qoǵammen baılanys tobynan.