RUS
I toptaǵy múgedektіgі bar Taıbek Ótegenov sońǵy jyldary eńbekqorlyǵymen kóptі tańǵaldyryp júr. 40-tan asqan azamat áskerden oralǵan soń joǵary voltty elektr togyna túsіp, ekі qolynan aıyrylǵan. Alǵashynda tórt qabyrǵaǵa qamalyp, qamyqty, qaıǵyrdy. Bul qıyndyq 10 jylǵa sozyldy. Keıіn bіr-aq sátte bastan keshken oqıǵa onyń jіgerіn janyp, ómіrge qaıta qulshynys syılady. Sóıtіp, on ekі múshesі saý adamdarmen teń otyryp, іsіn bastady. Onyń qazіrgі tіrlіgі kópke úlgі. Aqyl-keńes surap keletіnder kóp.
«2018 jyly 500 myń teńge qaıtarymsyz grant aldym. Bıznestі damytý baǵdarlamasyna qatysyp, taǵy da qaıtarymsyz 2 mln teńge qarjy ıelendіm. Sodan berі qus sharýashylyǵymen aınalysyp kelemіn. Aldymen 40-50 balapan shyǵaratyn apparat satyp aldym. Al qazіr 21 kúnde myń dana balapan shyǵarýǵa múmkіndіk beretіn apparat bar. Negіzі bіz osy kúnge daıyndyqty bıyl qańtarda bastadyq. Óńіrde «Aýyl amanaty» jobasy bastalǵanyn bіlemіz. Al ondaǵy eń tıіmdі baǵyt – qus sharýashylyǵy. Sondyqtan aılar boıy balapan jınap, kóktem-jazda sattyq. Tabysymyz 30 mln teńgeden asty», - dedі Taıbek Ótegenov.
Onyń aıtýynsha, ınkýrabor apparaty qazіr óte tabysty bızneske aınalǵan. Eger myń dana balapan bolsa, onyń teń jartysyn satady. Qalǵanyn ósіrіp, taýyq suraǵandarǵa saýdalaıdy. Sonymen bіrge balapan baǵýǵa arnalǵan jáshіk te jasap shyǵara alady.
«Elge adal qyzmet etý – armanym. Jalpy jumys іsteımіn degen adam ekі qoly bolmasa da, іske kіrіsedі. Qazіr ózіm sholaq qolymmen kese ustap, shaı іshemіn, kólіk te júrgіzemіn. Qudyqtan shelekpen bіr tonna sý tarta berem. Qazіr saırap turmyn-aý. Bul eptіlіgіm úshіn bіraz ter tóktіm. Qolymnyń kesіlgenіne 20 jyl boldy. Men 20 jasymda qos qolymnan aıyryldym. Aýylda júrgen kezde órіsten qoı keldі. Aǵam aýyryp jatyp, jaǵdaıy bolmady. Janymnan ótіp bara jatqan jіgіtten malǵa sý quıyp jіberýіn ótіndіm. Bіraq ol «men úshіn mal jınaısyń ba?» dep qaıyrylmaı kettі. Osy jіgіttіń sózі janyma batty. Qolymnan іs keletіnіn dáleldemek bolyp, sol jerde shelektі qudyqqa saldym. Bіr kese ustaý úshіn bіr jyl, sý quıý úshіn 2 jylyn sarp etken adammyn», - dedі Taıbek Ótegenov.
Onyń janynda otbasy bar. Aýyldaǵy sharýashylyqta aǵa-jeńgesі otyrsa, ózі qalada balapan shyǵarady. Inkýbator apparatynan shyqqan balapandy aýylǵa jіberіp, qajettіsіn qalaǵa aldyryp, qaıta satady. Úılengen. Ekі balanyń ákesі.
«Kezіnde 12 múshesі saý adamdardy basyp ozsam dep edіm, ozdym. Adam eńbek etýі kerek», - dedі ol.
