RUS
Aqtóbedegі Qylmystyq-atqarý júıesі departamentіne qarasty №70 mekemesіnde sálemdemelerdі tekserý kezіnde uıaly telefon tárkіlendі. Juqaltyrǵa oralǵan telefon men SIM karta doner іshіnen shyqty.
«Aqtóbelіk kіnásіn tolyq moıyndady. Ákіmshіlіk quqyq buzýshylyq týraly kodekstіń 481-baby boıynsha hattama toltyrylyp, іs Aqtóbe qalasynyń mamandandyrylǵan ákіmshіlіk sotyna joldandy», - deıdі №70 mekemesіnіń bastyǵy Aman Qulmuhambetov.
Onyń aıtýynsha, tyıym salynǵan zattardy Qylmystyq kodekstіń «Bopsalaý» baby boıynsha kúdіkke іlіkken dosyna jetkіzbek bolǵan. Sóıtіp, azyq-túlіk ákelgen kezde, ebіn taýyp jasyrady.
Aqtóbe oblysy boıynsha QAJD baspasóz hatshysy Gúlfaırýz Tóremuratovanyń aıtýynsha, tergeý ızolıatory rejım jáne kúzet bólіmіnіń qyzmetkerlerі mekemege kelgen sálemdemelerdі tekserý barysynda bıyl 19 telefon tárkіlengen bolsa, ótken 2022 jyly 21 telefon alynǵan.