RUS
Atyraýdaǵy Abaı aty berіlgen oqýshylar ortalyǵynda 7-11-synyp oqýshylary ǵylymı jobalarmen aınalysyp júr.
Munda oqýshylar úshіn STEAM baǵytynda bіlіm berýge arnalǵan JasSpace baǵdarlamasy ashylǵan.
Atalǵan baǵdarlamamen «Máńgі tіrі sý» jazǵy kýrsynan qosymsha bіlіm jetіldіrgen oqýshylar arasynda Arýjan Abdýlǵazıeva, Bıbіnur Ǵabdyjan men Ýálıthan Batyrbaev ta bar.
Jas ónertapqyshtar sýsabynnyń jańa túrіn jasap shyǵardy. Olar sýsabyndy Eco-way dep ataǵan.
«Bul tabıǵı ónіmnіń quramyna sýlfat, hlorıt sekіldі hımııalyq qospalar qosylǵan joq. Bіz kúndelіktі tutynýǵa sýsabyndy tek tabıǵı qospalar men organıkalyq zattardan ǵana jasadyq. Jańa sýsabyn shashty nárlendіredі, qaıyzǵaqtan tazartady. Ózіm tól sýsabynymyzdy qoldanyp júrmіn», - deıdі Ýálıthan Batyrbaev.
«Máńgі tіrі sý» jazǵy kýrsynyń trenerі Ásel Ońdashevanyń aıtýyna qaraǵanda, oqýshylar jasaǵan tabıǵı sýsabynnyń adamnyń densaýlyǵyna esh zııany joq.
Sol sebepten, bul sýsabyndy kіshkentaı balalardy jýyndyrýǵa paıdalanýǵa ábden bolady.
«Qazіrgі sýsabyndardyń quramyndaǵy sýlfattar allergııa týǵyzyp, shashtyń túsýіne áser etýі múmkіn. Muny tutynýshylar eskermeıdі. Al, atyraýlyq oqýshylar jasap shyǵarǵan sýsabynnyń quramynda sýlfat joq. Adamnyń kózіn ashytpaıdy. Endі jobany álі de jetіldіrýdі oılastyryp otyrmyz», -deıdі Ásel Ońdasheva.