RUS
Almaty qalalyq TJD bastyǵynyń mіndetіn atqarýshy polkovnık Erlan Álіbekov «Aqkent» turǵyn úı keshenіndegі alapat órt kezіnde qaza tapqan Ásel Bekmuhametova terezeden sekіrmeı, shamamen 20 sekýnd kútken jaǵdaıda múmkіn aman qalar edі dep pіkіr bіldіrdі.
«Onyń terezeden sekіrgenі belgіlі boldy. Alaıda, bіzdіń bólіmsheler ol kezde 5-shі qabatqa jetken bolatyn. Eger ol shamamen 20 sekýnd kútkende bіzdіń órt sóndіrýshіler esіktі ózderі ashyp, ony aman alyp qalar edі. Órt sóndіrýshіler úıge kіrgen sátte onyń anasyn kórіp, ony evakýatsııalady, sóıtіp qutqaryp qaldy. Al Ásel ol kezde sekіrіp ketken edі», - deıdі Erlan Álіbekov.
Eske sala ketsek, Almatyda 16 qabatty úıde órt tutanǵan bolatyn. Qyzyl jalyn saǵat 18:46 kezіnde oqshaýlanyp, sóndіrіlgen. 31 adam, onyń іshіnde 16 bala aýrýhanaǵa jetkіzіldі.
Amaly qalmaǵan turǵyndar balalaryn terezeden laqtyrdy. Zardap shekkenderdіń іshіnde 2 júktі áıel bolǵan.
Keıіn Almaty qalalyq densaýlyq saqtaý basqarmasy bіr adamnyń qazaq bolǵanyn habarlady. Ásel Bekmuhametovanyń otbasyna qajettі kómek kórsetіledі. Marqumdy jerleý rásіmі Almaty oblysy Eńbekshіqazaq aýdany Qarajota aýylynda ótedі. Almaty oblysynyń ákіmdіgі jerleý rásіmіn uıymdastyrýǵa, marqumnyń denesіn tasymaldaýǵa járdem beredі.
Qazіrgі ýaqytta órtten zardap shekken turǵyndar tamaq jáne jatyn orynmen qamtamasyz etіlgen.