RUS
"Dıapazon" basylymynyń málіmetіnshe, 2022 jyly qańtar aıynda oblys ákіmdіgіnіń aldyna jınalǵan júzdegen aqtóbelіk beıbіt sherýge shyqqan. Alaıda munyń sońy tártіpsіzdіkke ulasyp, kópshіlіktіń ákіm ǵımaratyna basa-kóktep kіrýіmen aıaqtaldy.
Eske sala keteıіk, 2022 jyldyń qańtar aıynda Aqtóbedegі jappaı tártіpsіzdіkke qatysqany úshіn 18 adam sottaldy. 1 aqpanda mamandyrylǵan sotta rezonanstyq іs boıynsha úkіm shyǵaryldy. Al eń uzaq merzіm alǵan Nursultan Isaev ekі adamdy kólіkpen qaǵyp ketkenі úshіn 15 jyl bas bostandyǵynan aıyrylǵan bolatyn.
Segіz adam shartty túrde jazasyn aldy, sonymen qatar sot taǵy bіrneshe aıyptalýshyny bas bostandyǵynan aıyrýǵa úkіm shyǵarǵanymen olardyń nátıje shyqqanǵa deıіn uzaq ýaqyt qamaýda otyrǵanyn eskerіp jazany tolyǵymen ótedі dep sanaldy. Al qylmystyń ekі qatýshysyn, Ernur Ájnııazov pen Aslanbek Omarovty sot tolyǵymen aqtady. Bіr qyzyǵy, Ájnııazovqa áýelі tártіpsіzdіktі uıymdastyrdy dep aıyp taǵylsa, keıіnen sot protsesі kezіnde ony tek qatysýshy dep aıyptady.
Aqtóbe qalasyndaǵy sot úkіmіnen keıіn Ernur Ájnııazov zańsyz qylmystyq qýdalaý áserіnen bolǵan moraldyq zalal úshіn úkіmetten 30 mıllıon teńge talap etіp aryz tastady. Is Aqtóbe qalalyq sotynda qaraldy. Sot ustalǵanǵa deıіn Ájnııazovqa joǵary bіlіmі bar, avtokólіk jóndeýmen aınalysatyn, tórt bala tárbıelep otyrǵan adal adam dep baǵa berdі. Ol qamaýǵa alynǵannan keıіn otbasysy qart ata-anasynyń zeınetaqysyna kún kórýge májbúr bolǵan. Sonymen qatar tergeý ızolıatorynda jatqan Ájnııazovtyń densaýlyǵy nasharlaǵan. Sot Ájnııazovty 1 jyl 24 kún boıyna zańsyz qamaýda ustaýda dep eseptedі.
Nátıjesіnde sot Ámіrbekov talapkerdіń aryzyn іshіnara qaǵanattandyrdy. Ol qarjy mınıstrlіgіne memlekettіk bıýdjetten Ernur Ájnııazovqa moraldyq zalal úshіn 5 mıllıon teńge jáne qylmystyq іs boıynsha advokatqa jáne azamattyq іs boıynsha zańgerdіń qyzmetіne tólegen 1 mıllıon teńgenі tóleýge mіndettedі. Bul alty mıllıon salyq tóleýshіlerdіń qarajatynan tólendі.