RUS
Almaty qalalyq bіlіm basqarmasynyń málіmetіnshe, mektep avtobýstary, eń aldymen asa qajet aýdandarǵa engіzіledі. Pılottyq jobaǵa tórt aýdan tańdap alyndy. Atap aıtar bolsaq, Bostandyq, Naýryzbaı, Alataý jáne Medeý aýdandary. Oqýshy sanyna qaraı ár mektepke arnaıy marshrýttar jasalady. 20, 30, 50 oryndyq avtobýstar bar. Joba kezeń-kezeńіmen júzege asyrylady.
Ata-analar arasynda júrgіzіlgen saýalnama qortyndysy boıynsha, qazіr 38 myńǵa jýyq bala mektep avtobýstaryna muqtaj.
Sondaı-aq, qala mektepterіnde keshendі qaýіpsіzdіk júıesі engіzіldі. Dabyl túımelerі, týrnıketter, órt qaýіpsіzdіgі júıesі, polıtsııanyń jedel basqarý ortalyqtarymen bіrіktіrіlgen beınebaqylaý kameralary ornatyldy. Ákіmdіk bul jobany úsh jyldyq servıstіk úlgі boıynsha qarjylandyrýdy josparlap otyr. Jalpy qarjylandyrý kólemі - 4,9 mlrd teńge. 2023 jylǵa arnalǵan bıýdjet jobasynda osy maqsattarǵa 1,6 mlrd tenge bólіndі.
«Qaýіpsіzdіkke keletіn bolsaq, barlyq qalalyq bіlіm berý uıymdary beınebaqylaý kameralarymen jabdyqtalǵan, kameralar men dabyl túımelerі jergіlіktі polıtsııa bólіmderіne qosylǵan. Sonymen qatar, 120 bіlіm berý uıymdarynda týrnıketter ornatyldy, 94 bіlіm berý uıymdarynda konkýrstyq rásіmder ótkіzіlýde, sondaı-aq keıbіr uıymdarda sport ınventarlaryn jańartý jáne tolyqtyrý qajet ekenі anyqtaldy», - dedі óńіrlіk kommýnıkatsııalar qyzmetіnіń alańynda Almaty qalasynyń bіlіm sapasyn qamtamasyz etý departamentіnіń basshysy Gúlnar Ermekbaeva.
Budan bólek, zamanaýı ınfraqurylymdy jaqsartý arqyly 2025 jylǵa deıіn barlyq memlekettіk mektepter fızıka, hımııa, bıologııa, ınformatıka jáne robototehnıkanyń jańa býynynyń pándіk kabınetterіmen qamtamasyz etіledі. Tek 2023 jyldyń ózіnde jańa modıfıkatsııadaǵy 168 shkaf satyp alynady, bul maqsatqa jergіlіktі qordan 2,1 mlrd teńge bólіndі.
«Monıtorıng barysynda anyqtalǵandaı, 164 bіlіm berý uıymy jańa modıfıkatsııalanǵan fızıka kabınetіmen, 158 mektep hımııa kabınetіmen, 159 bіlіm berý uıymy jańa modıfıkatsııalanǵan bıologııa kabınettermen jáne 79 bіlіm berý uıymy zamanaýı robototehnıka kabınetterіmen jabdyqtalǵan. Sonymen bіrge, 56 bіlіm berý uıymynda jańa modıfıkatsııalanǵan kabınet alýǵa konkýrstyq rásіmder júrіp jatyr», - dedі Gúlnar Ermekbaeva.