"Qustardyń boǵynan alańda aıaq alyp júrý múmkіn emes": Atyraý ákіmі turǵyndarǵa eskertý jasady

Ákіm Shákіr Keıkınnіń aıtýynsha, Atyraý qalasynda ornalasqan elіmіzdіń tuńǵysh akademıgі Qanysh Imantaıuly Sátbaev eskertkіshіnіń búgіndegі syıqy joq. Buǵan sebep, el syılaǵan aǵamyzdyń jalǵyz eskertkіshіnіń basyna kógershіnder qonyp, qustardyń mekenіne aınalǵan. «Arnaýly avtobaza» qyzmetkerlerі qajettі tazalyq jumystaryn júrgіzgenmen, bárіbіr eskertkіsh burynǵy qalpyna qaıta túsіp otyr.

Keıkın bul máselenі sheshý úshіn búgіn ýchaskelіk polıtsııa, «Arnaýly avtobaza» JShS basshysy jáne jaýapty bólіm basshylarymen bіrge atalǵan orynǵa baryp qaıtqan.

- Rasymen, tazalyq jumystary júrgіzіlgenmen, qaıtadan qorektenýge kelgen qustardyń boǵynan alańda aıaq alyp júrý múmkіn emes, antısanıtarlyq jaǵdaı desek artyq bolmas. Osy maqsatta qala turǵyndaryna bul jerge kelіp qustardy qorektendіrmeýge usynys bіldіremіn árі arnaıy habarlandyrý jazylyp, taratylatyn bolady, - deıdі ákіm ózіnіń Facebook-tegі jeke paraqshasynda.

Sondaı-aq ákіm eskertkіsh keıpіn tazalyqta saqtaý úshіn polıtsııa basshylyǵy aldaǵy ýaqytta kógershіnderge tamaq qaldyǵyn tastaǵan azamattar men azamatshylarǵa abattandyrý qaǵıdasyn buzǵany úshіn quqyq buzýshylyq talaptaryna saı shara qoldanatynyn aıta kettі.

- Árıne, kógershіn - beıbіtshіlіk sımvoly ekenі sózsіz. Bіraq, búgіngі eskertkіsh basyndaǵy kórіnіs bul túsіnіkke saı kelmeıdі. Qazaqtyń mańdaıyna bіtken nar tulǵamyz, ómіrge ekі kelmeıtіn aǵamyzdyń eskertkіshіne syılastyqpen qarap, turǵyndar menіń usynysymdy qoldaıdy dep esepteımіn. Osy maqsatta qala turǵyndaryn bul jerge kelіp, kógershіnderge nan qaldyqtary men basqa da taǵamdardy tastamaýǵa shaqyramyn!, - deıdі qala ákіmі.

Ákіmnіń úndeý jazbasynyń pіkіr alańynda qala turǵyndary bul usynysty qoldaı kettі. Sebebі dál osy másele buǵan deıіn bіraz ýaqyt elenbegen jaıt bolyp shyqty.