RUS
Aqtóbedegі erіktіler balanyń joǵalǵany týraly habarlama taratyp, іzdeý júrіp jatqanyn málіmdegen edі. Derekterge súıensek, 16 jastaǵy bozbala 12 qyrkúıek kúnі shamamen saǵat 19:00-de shyǵyp ketken. Ústіne shorty men fýtbolka kıgen.
Aqtóbe oblystyq Polıtsııa departamentі baspasóz qyzmetіnіń habarlaýynsha, bozbala 13 qyrkúıek kúnі kórshіsіnіń saraıynan tabyldy.
Polıtsııa bólіmіne kórshіlerіnіń saraıynan 2007 jyly týǵan kámeletke tolmaǵan balanyń máıіtі tabylǵany týraly habarlama kelіp tústі. Osy faktі boıynsha Qylmystyq kodekstіń «Ózіne-ózі qol jumsaýǵa deıіn jetkіzý» baby boıynsha sotqa deıіngі tergep-tekserý júrgіzіlіp jatyr. Jasóspіrіmnіń óz-ózіne qol jumsaýynyń sebebі anyqtalady, - dedі oblystyq Polıtsııa departamentі baspasóz qyzmetіnіń jetekshіsі Erbolat Sarqulov.
Mektep ákіmshіlіgі bolǵan jaıdy ınspektordan estіgen. Oqýshy sabaqtan qalmaǵan, mіnezі de ashyq bolǵan.
Ol – bіzdіń mekteptіń 11-synyp oqýshysy. Bıylǵy oqý jylynda sabaqtan qalmaı keldі. Sabaqta júrgen bala ózі. Osy mektep ashylǵaly bіzde oqydy. Tártіbі jaqsy, mіnezі ashyq. Joǵalǵan kúnі de sabaqqa keldі. Ashyq-jarqyn bala. Oqıǵa týraly mektep ınspektory aıtty. Keshkіlіk estіdіk. Naqty jaǵdaı týraly bіlmeı otyrmyz, - dedі Aqtóbe qalalyq №8 orta mektep dırektory Aısulý Jaqsybaeva.