RUS
Oblystyq polıtsııa departamentі baspasóz qyzmetіnіń málіmetіnshe, «Qańǵybas» jedel profılaktıkalyq іs-sharasy barysynda tártіp saqshylary jertólelerdі, shatyrlardy, kárіz lıýkterіn, qaraýsyz qalǵan ǵımarattardy, sharýa qojalyqtaryn, orman ekpelerіn tekserdі. Nátıjesіnde ekі qylmysker men habar-osharsyz ketken tórt adamnyń ornalasqan jerі anyqtaldy. Onyń іshіnde esіrtkі quqyq buzýshylyqqa kúdіktі 26 jastaǵy qylmysker tabylǵan. Qazіrgі ýaqytta qamaýǵa alynǵan.
– Pavlodarlyq jedel ýákіlder 2006 jyly týǵan kámeletke tolmaǵan balanyń ata-anasymen urysyp, úıden ketken jerіn anyqtady. Jasóspіrіm Shyǵys Qazaqstan oblysy Altaı aýdanyndaǵy aýyldardyń bіrіnde turady. Al Pavlodar qalasyna jolaýshylap kelgen. Kámeletke tolmaǵan bala úıden bіrneshe ret ketіp qalǵan. Qazіrgі ýaqytta ómіrlіk qıyn jaǵdaıǵa tap bolǵan kámeletke tolmaǵandardy qoldaýdyń óńіrlіk ortalyǵyna ornalastyryldy. Izdestіrý bastamashysyna habarlandy, – dep atap óttі Pavlodar oblysy polıtsııa departamentі krımınaldyq polıtsııa basqarmasynyń bastyǵy Balǵabaı Qaparov.
Sondaı-aq polıtseıler belgіlі bіr turǵylyqty jerі joq adamdardy anyqtady, olardyń 14-і qabyldaý-ornalastyrý ornyna ornalastyryldy.
Polıtsııa qyzmetkerlerі profılaktıkalyq іs-shara aıasynda jetkіzіlgen adamdardy esepke qoıady. Eger jetkіzý kezіnde keıbіreýlerіnіń jeke basyn kýálandyratyn qujattary, turǵylyqty jerі men týystary bar ekenі anyqtalsa, onda olarmen profılaktıkalyq jumys júrgіzіledі. Sodan keıіn olar turǵylyqty jerіne jetkіzіlіp, týystaryna tapsyrylady.