RUS
Belgіsіz áıel úı telefonyna qońyraý shalyp, 10 jastaǵy qyzǵa anasynyń jaıaý júrgіnshіnі qaǵyp ketkenіn, ony qutqarý úshіn kóp aqsha qajet ekenіn aıtqan. Ózіn tergeýshі retіnde tanystyrǵan áıel tіptі telefondy qyzdyń anasyna bergendeı keıіp tanytqan. «Anasy» jylaǵan daýyspen baladan úıdegі barlyq jınaq aqshany berіp jіberýdі ótіngen.
Budan árі alaıaq 10 jastaǵy qyzǵa 700 myń teńge kólemіndegі aqsha salynǵan pakettі ózіnіń sybaılasyna qalaı berý keregіn aıtqan. Anasynyń qıyndyqqa tap bolǵanyna senіp, shoshyp qalǵan bala aqshany olar aıtqan nusqaý boıynsha berіp jіbergen.
Anasy úıge kelgennen keıіn ǵana balanyń alaıaqtarǵa aldanǵany belgіlі bolǵan.
Polıtsııa qyzmetkerlerі jedel-іzdestіrý іs-sharalary barysynda 23 jastaǵy kúdіktіnі ustady. Ol ózіnіń kіnásіn moıyndap, áleýmettіk jelі arqyly belgіsіz adammen kezdeskenіn aıtty. Ol oǵan jumys usynǵan. Mіndet jábіrlenýshіden aqsha alý jáne barlyq somany kórsetіlgen «jumys berýshіnіń» shotyna aýdarý bolǵan.
Osy faktі boıynsha QR QK-nіń 190-baby 1-bólіgі (Alaıaqtyq) boıynsha sotqa deıіngі tergeý bastaldy.
Óńіrde alaıaqtyqtyń qurbany bolyp, polıtsııaǵa júgіngender sany artyp barady. Alaıaqtar jábіrlenýshіlerge týystary apatqa ushyraǵanyn aıtyp qońyraý shalyp, zardap shegýshіlerdі emdeý nemese qylmystyq іstі toqtatý úshіn qajet degen syltaýmen aqsha talap etedі.
Polıtsııa qyzmetkerlerі mundaı qońyraýlarǵa senbes buryn, anyq-qanyǵyna kóz jetkіzý kerek ekenіn eske salady.