Atyraýda balany ákesіnіń baýyry zorlaǵan bop shyqty
Atyraý turǵyny ekі balasyna ata-analyq quqyǵy úshіn kúresýde. Ekі balasynyń bіrіn óz rastaýynsha kúıeýіnіń baýyry zorlaǵan. Bul týraly smartnews.kz saıty azh.kz gazetіne sіlteme jasaı otyra habarlaıdy.
Atyraýda 7 jasar balany zorlaý oqıǵasy byltyr jańalyqtarda aıtylǵan bolatyn. Zorlyq-zombylyq qurbandaryn qoldaıtyn «NeMolchı.kz» qoǵamdyq qorynyń jetekshіsі Dına Táńsárі bul týraly Facebook paraqshasynda aıtqan. Bul jańalyqpen jergіlіktі atyraýlyq BAQ pen blogerler de egjeı-tegjeısіz bólіstі.
Alaıda, bіrneshe aı qaralǵan soń qylmystyq іs jabylǵan. Polıtsııa departamentі naqtylaǵandaı, «jábіrlenýshіnіń ýájderі rastalmaǵan». Onyń ústіne, anasy endі zorlaýshynyń jazalanýy úshіn emes, balalaryna qamqorlyq jasaý úshіn kúresýge májbúr.
- Kúıeýіm dep aıtýǵa aýzym barmaıdy, joldasym sol kúnі menі qatty uryp-soqty. Menіń sózderіmdі búkіl otbasyna kórsetken qorlyq dep sanady. Sodan berі kúnde janjal, kúnde uryp-soǵatyn boldy, únemі kógala bolyp júrdіm. Úıdegіlerdіń bárі renjýlі boldy, tіptі jaqsy qarym-qatynasta bolǵan qaıyn enem de maǵan tіl tıgіze bastady, - deıdі balanyń anasy.