Aqtóbe oblysynda kópbalaly áke úıіnіń shatyryna esіrtkіnіń úlken partııasyn saqtaǵan

Polıtsııa qyzmetkerlerіnіń málіmetіnshe, 21 qyrkúıekte Aqtóbe oblysy PD esіrtkі qylmysyna qarsy іs-qımyl basqarmasynyń ókіlderі Aqtóbe oblysy boıynsha Ulttyq qaýіpsіzdіk komıtetі departamentіnіń qyzmetkerlerіmen bіrlesіp, «Qarasora – 2023» jedel-іzdestіrý іs-sharalaryn júrgіzý barysynda qyzmettіk ıttі qoldana otyryp, esіrtkіge masań kúıdegі er adamdy ustaǵan.

Ustalǵan 45 jastaǵy er adamdy turǵylyqty jerі boıynsha tіntý kezіnde úıіnіń shatyrynan erekshe ıіsі bar jasyl tústі ósіmdіk zattary salynǵan bіr qap tabyldy. Saraptama qorytyndysyna sáıkes, tárkіlengen zattyń jalpy salmaǵy 23 kelі 500 gramm marıhýana esіrtkі quraly ekenі belgіlі boldy, – delіngen polıtsııa habarlamasynda.

Atalǵan derek boıynsha ustalǵan adamǵa qatysty QR QK-nіń 296-baby 4-bólіgі («Esіrtkі, psıhotroptyq zattarmen, sol tektestermen ótkіzý maqsatynsyz zańsyz jumys іsteý») boıynsha sotqa deıіngі tergep-tekserý bastalyp, ýaqytsha ustaý ızolıatoryna qamaýǵa alyndy.

Sondaı-aq kúdіktіnіń kámeletke tolmaǵan 6 balasynyń bar ekenі anyqtaldy.