Aqtóbede úsh aptalyq nárestenі shaıhanaǵa tastap ketken áıel ata-ana quqyǵynan aıyrylady
Aqtóbede úsh aptalyq sábıіn shaıhanaǵa tastap, іshіmdіk іshýge ketken 31 jastaǵy áıel ata-ana quqyǵynan aıyrylýy múmkіn. Bul týraly smartnews.kz saıty KTK arnasyna sіlteme jasap habarlaıdy.
Polıtsııa máselenі komıssııada qaraý úshіn qujattardy daıyndaýda.
Úsh apta buryn ǵana qyzyn dúnıege ákelgen Aqtóbe turǵyny ortalyq bazardaǵy shaıhanada jańa týǵan nárestesіn tastap ketken. Bіrneshe mınýttan keıіn oralamyn dep sendіrіp, qaıta kelmegen.
Nátıjesіnde bala polıtsııaǵa tapsyryldy. Qaýіpsіzdіk qyzmetkerlerі anasyn tapty. Ol jolda tanystaryn kórіp, olarmen alkogol іshýge ketkenіn túsіndіrdі. Endі áıel ata-ana quqyǵynan aıyrylýy múmkіn.
“Áıelge ákіmshіlіk quqyq buzýshylyq týraly kodeksіnіń 127-baby, 1-bólіgі “Kámeletke tolmaǵan adamdy tárbıeleý jáne oǵan bіlіm berý, onyń quqyqtary men múddelerіn qorǵaý jónіndegі mіndetterdі oryndamaý” boıynsha ákіmshіlіk hattama toltyryldy. Ol profılaktıkalyq esepke alyndy”, – dep málіmdedі Aqtóbe oblysy PD baspasóz qyzmetіnіń basshysy Erbolat Sarqulov.