Polıtsııa qyzmetkerlerіnіń málіmetіnshe, mamyrdyń sońynda Alǵa qalasynyń 19 jastaǵy turǵyny ózіne jumys іzdegen. Jumys іzdep júrgen jas jіgіttі Muǵaljar aýdanynyń 23 jastaǵy turǵyny aksessýarlar satatyn onlaın dúkenge jumysqa ornalastyratynyn aıtyp sendіrgen. Jumysqa ornalastyrýǵa qujattaryn rásіmdeıtіnіn aıtqan muǵaljarlyq jіgіt onyń jeke kýálіgіn alyp, onlaın-dúkenmen jumysty kórsetemіn degen syltaýmen telefonyn da qoldanǵan. Sodan onyń atyna 3 bank pen bіr qarjy uıymynan 4 onlaın nesıe rásіmdegen.
Nesıenіń jalpy somasy 2 mıllıon tengege jýyqtady. Bul týraly jábіrlenýshі bankterden ózіnіń atyna nesıenі ýaqtyly tólemegenі týraly habarlandyrýlar kelgen kezde bіlіp, qazanda polıtsııaǵa aryzdanǵan.
Alǵa aýdany polıtsııa bólіmіnіń qyzmetkerlerі jedel-іzdestіrý sharalaryn júrgіzý barysynda kúdіktіnі ustap, polıtsııa bólіmіne jetkіzdі. Jіgіt óz kіnásіn moıyndap, aqshany jeke qajettіlіkterіne jumsaǵanyn aıtty. Bul rette onyń ózіnіń jumyssyz ekenі anyqtaldy.
Osy faktі boıynsha Qazaqstan Respýblıkasy Qylmystyq kodeksіnіń 190-baby 1-bólіgі («Alaıaqtyq») boıynsha qylmystyq іs qozǵaldy. Tergeý júrgіzіlіp jatyr.